Maliyyə Nazirliyi daxili bazardan yenidən borc alır - YENİLƏNİB

Maliyyə Nazirliyi daxili bazardan yenidən borc alır - YENİLƏNİB

Maliyyə Nazirliyi daxili bazardan yenidən borc alır - YENİLƏNİB

01 dekabr 2020-ci il tarixində Bakı Fond Birjasında Maliyyə Nazirliyinin 10 milyon manatlıq Dövlət Ortamüddətli İstiqrazları (DOİ) üzrə hərrac keçiriləcəkdir.

Birjadan Marja-ya daxil olmuş məlumata görə, hərrac zamanı sifarişlərin toplanması BFB-nin ticarət reqlamentinə uyğun olaraq saat 11:00-dan 12:30-dək təşkil olunacaqdır.

İstiqrazların buraxılış parametrləri barədə məlumat aşağıdakı cədvəldə verilmişdir;

Dövlət istiqrazının növü	Faizli, ortamüddətli dövlət istiqrazları
Qiymətli kağızın ISIN kodu	AZ0105003856
Emissiya həcmi	10 000 000 manat
Nominal dəyəri	100 manat
İstiqrazların tədavül müddəti	728 gün
Faiz ödənişləri (olduqda)	01 iyun 2021-ci il, 30 noyabr 2021-ci il, 31 may 2022-ci il, 29 noyabr 2022-ci il
Faiz gəliri	6.85 %
Ödəmə tarixi	29.11.2022
Anderrayter	“Paşa Kapital İŞ” QSC

Hərrac zamanı, qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.

Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi Emitent tərəfindən hərraca çıxarılmış istiqrazların həcminin 20%-dən aşağı olduğu təqdirdə, Emitent bu sifarişləri qəbul etməyə bilər.

2 BÖYÜK YERLƏŞDİRMƏ İLƏ 240 MİLYON MANAT CƏLB EDİB

Qeyd edək ki, 3 noyabr 2020-ci il tarixində Bakı Fond Birjasında Azərbaycan Respublikası Maliyyə Nazirliyinin 100 milyon manat həcmində, 728 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilmiş, hərracın yekununda Maliyyə Nazirliyi 122 milyon 26 min 500 manat cəlb etmişdir.

17 noyabr 2020-ci il tarixində Bakı Fond Birjasında Azərbaycan Respublikası Maliyyə Nazirliyinin AZ0105001850 ISIN-li, 100 milyon manat həcmində, 728 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilmiş, sifarişlərin nominal qiymətlə ümumi məbləği 237 milyon 988 min 700 manat, yerləşdirilmiş həcmi isə 117 milyon 906 min 500 manat təşkil edilmişdir.

Qeyd edək ki, dövlət büdcəsinin kəsiri istiqrazların yerləşdirilməsi yolu ilə cəlb edilən vəsait hesabına da örtülür. Eyni zamanda, cəlb edilən vəsaitin bir hissəsi ilə ötən illərdə yerləşdirilmiş istiqrazlar üzrə öhdəliklər (əsas borc və faizlər) icra olunur.

26.11.2020 10:54

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az