Azərbaycanda ilk aqrar sığorta mexanizmi fəaliyyətə başladı

Azərbaycanda ilk aqrar sığorta mexanizmi fəaliyyətə başladı

"Aqrar sahənin davamlı inkişafını təmin etmək üçün ən vacib element aqrar siğorta mexanizmidir. Bu mexanizmi yaradılması məqsədilə aqrar siğorta sisteminin qanunvericilik bazası formalaşdırılıb, müvafiq qərarlar qəbul edilib. Yeni institusional baza olan Aqrar Sığorta Fondu yaradılıb".

Bunu Azərbaycan Kənd Təsərrüfatı naziri İnam Kərimov Azərbaycanda ilk aqrar siğorta mexanizminin fəaliyyətə başlamasına həsr edilmiş tədbirdə bildirib.

Onun sözlərinə görə, Aqrar Siğorta Fondu dövlət-özəl əməkdaşlığı prinsipi əsasında formalaşıb: “Çox sevindirici haldır ki, Azərbaycanda aqrar siğorta sistemi qardaş Türkiyənin TARSİM (Kənd təsərrüfatını siğortalama sistemi) təşkilatının təcrübəsi və dəstəyi ilə formalaşıb. Dünyada ən uğurlu aqrar sığorta mexanizmlərindən biri məhz Türkiyənin sahib olduğu TARSİM modelidir”.

Nazir qeyd edib ki, aqrar sığorta vasitəsilə fermerlər kənd təsərrüfatı heyvanlarını, əkin sahələrini və bitkiçilik məhsullarını, eləcə də akvakulturanı güzəştli şərtlərlə risklərdən sığortalaya biləcəklər: “Aqrar sığorta sistemində dövlətin sahibkarlara böyük dəstəyi nəzərdə tutulur. Belə ki, sığorta haqqının 50 faizi dövlət tərəfindən qarşılanacaq, qalan məbləği isə fermerlər hissə-hissə Sığorta Fonduna ödəyəcəklər. Sığorta risklərinin qiymətləndirilməsi üçün Müstəqil Siğorta Ekspert xidməti dövlət tərəfindən maliyyələşdiriləcək. Bu gün işə düşən aqrar sığorta mexanizmi dövlətin aqrar sahəyə dəstəyinin növbəti təzahürüdür. Hesab edirik ki, bu dəstək nəticəsində aqrar sahə inkişaf edəcək. Fermerlərin rifah halı yaxşılaşacaq. Aqrar sığorta mexanizmləri bu sahədə yatırımların artmasına səbəb olacaq”.

Report

04.11.2020 12:40

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az