Maliyyə Nazirliyi kəsiri örtmək üçün 30 milyon manat da borclanır

Maliyyə Nazirliyi kəsiri örtmək üçün 30 milyon manat da borclanır

Maliyyə Nazirliyi kəsiri örtmək üçün 30 milyon manat da borclanır

27 oktyabr 2020-ci il tarixində Bakı Fond Birjasında Maliyyə Nazirliyinin 30 milyon manatlıq Dövlət Qısamüddətli İstiqrazları (DQİ) üzrə hərrac keçiriləcəkdir.

Marja xəbər verir ki, hərrac zamanı sifarişlərin toplanması BFB-nin ticarət reqlamentinə uyğun olaraq saat 11:00-dan 12:30-dək təşkil olunacaqdır.

VTB-də yüksək depozit faizləri daha çox qazandırır

İstiqrazların buraxılış parametrləri barədə məlumat aşağıdakı cədvəldə verilmişdir;

Dövlət istiqrazının növü	Diskontlu, qısamüddətli dövlət istiqrazları
Qiymətli kağızın ISIN kodu	AZ0104012775
Emissiya həcmi	30 000 000 manat
Nominal dəyəri	100 manat
İstiqrazların tədavül müddəti	364 gün
Ödəmə tarixi	26.10.2021
Anderrayter	“Paşa Kapital İŞ” QSC

Hərrac zamanı, qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.

Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi Emitent tərəfindən hərraca çıxarılmış istiqrazların həcminin 20%-dən aşağı olduğu təqdirdə, Emitent bu sifarişləri qəbul etməyə bilər.

Hərrac zamanı dövlət istiqrazlarına tələb təklifi üstələyəcəyi və qiymət Emitenti qane edəcəyi halda isə, Emitent tərəfindən təklif edilən istiqrazların həcmi 50 faizədək artırıla bilər.

KƏSİR 1 MİLYARD MANATA YAXINLAŞIB

Maliyyə Nazirliyinin məlumatına görə, 2020-ci ilin doqquz ayında dövlət büdcəsinin gəlirləri 17 milyard 964,6 milyon manat, xərcləri 18 milyard 642,2 milyon manat təşkil edib. 2020-ci ilin doqquz ayında dövlət büdcəsinin kəsiri 677,6 milyon manat təşkil etmişdir.

2020-ci ilin iyul-sentyabr ayları ərzində isə =dövlət büdcəsinin gəlirləri 5 milyard 941,8 milyon manat, xərcləri 6 milyard 911,4 milyon manat, kəsir isə 969.6 milyon manat təşkil edib. Kəsirin örtülməsi nəzərdə tutulduğu kimi özəlləşmədən daxilolmalar, xaricdən cəlb edilən kreditlər, daxili borclanma və vahid xəzinə hesabının qalığı hesabına təmin edilmişdir.

22.10.2020 13:27