İrşad Electronics cəbhədə şəhid olan və yaralanan hərbçilərin kredit borcunu tam siləcək

İrşad Electronics cəbhədə şəhid olan və yaralanan hərbçilərin kredit borcunu tam siləcək

İrşad Electronics

Azərbaycanda mobil telefon, elektronika və məişət texnikası satışı üzrə fəaliyyət göstərən ən böyük mağaza şəbəkələrindən biri “İrşad Electronics” Qarabağda gedən zəfər döyüşləri müddətində şəhid olan və yaralanan hərbçilərin kredit borclarını tam siləcək.

Satış və Xidmət Departamentinin direktoru Aris Şıxəliyev bildirib ki, bu gün ordu sıralarında xidmət edən hər kəs Vətənə müqəddəs borcunu ödəyir, Vətənimizi göz bəbəyi kimi qoruyur, millətimizə daim başucalığı gətirirlər:

VTB-də minimal faiz dərəcəsi ilə nağd kredit 10.49%-dən

“Hərbçilərimizin qələbə xəbərlərini gözləyir və sağ salamat evinə dönmələrini arzulayırıq. Torpaqlarımızın azad olunması uğrunda döyüşən hərbçilərimiz arasında şəhid olan və ya yaralananlar olarsa onların kredit borcları tam silinəcəkdir. Vətən borcunu ödəyənlərin başqa bir borcu ola bilməz.”

Qeyd edək ki, ötən günlərdə şirkət torpaqlarımız uğrunda döyüşən hərbçilərimizin və səfərbər olan hərbi vəzifəli müştərilərin kredit ödənişlərini də artıq dondurub. Həmçinin Qarabağ uğrunda döyüşlərə səfərbər olunan hərbi vəzifəlilərin ailələrinə dəstək olmaq məqsədilə 100 ailəyə 30 000 manat həcmində birdəfəlik maddi yardım ayırıb. Bundan əlavə ordumuza dəstək olmaq məqsədi ilə İrşad Electronics Azərbaycan Respublikasının Silahlı Qüvvələrə Yardım Fonduna 50.000 manat köçürüb.

Şirkət ordumuzun zəfər yürüşləri ilə fəxr edir və döyüşlərdə ordumuza qoşulan əməkdaşları da daxil olmaqla bütün hərbçilərin sağ salamat, şad xəbərlə qayıtmalarını arzulayır.

Artıq 20 ildir Azərbaycanda fəaliyyət göstərən “İrşad Electronics” müştərilərə məhsul çeşidi təklifini və xidmət səviyyəsini artırmaq məqsədilə portfelində olan brendlərin, məhsul modellərinin sayını genişləndirib. Hazırda, Azərbaycanda 33 mağaza və təmir xidmət mərkəzi fəaliyyət göstərir ki, onlardan 22-i Bakıda, 1-i Masazırda, 1-i Xırdalanda, digərləri isə regionlarda yerləşir.