"PASHA Bank Cup II" proqramlaşdırma yarışmasının qalibləri açıqlandı

"PASHA Bank Cup II" proqramlaşdırma yarışmasının qalibləri açıqlandı

"PASHA Bank Cup II" proqramlaşdırma yarışmasının qalibləri açıqlandı

Azərbaycanın aparıcı korporativ bankı PASHA Bank, yerli İT mütəxəssisləri arasında keçirilən "PASHA Bank Cup II" yarışmasının nəticələrini açıqlayıb.

Proqramlaşdırma yarışmasının final mərhələsində müxtəlif yaş kateqoriyalarında 40 finalçısı iştirak etmişdir. Müsabiqənin son mərhələsində ölkənin ən istedadlı İT mütəxəssisləri və ya gələcək İT mütəxəssisləri qarışıq suallardan ibarət və müxtəlif çətinlik dərəcəsinə malik 6 tapşırığın həllində 4 saat ərzində yarışdı

"PASHA Bank Cup II" yarışmasının münsiflər heyəti Bakı Dövlət Universitetinin dosenti Ramin Mahmudzadə, Bakı Mühəndislik Universitetinin baş müəllimi Etibar Seyidzadə, PAŞA Bankın Rəqəmsal Mühəndislik şöbəsinin rəhbəri Vüsal Xəlilov, PAŞA Bankın Rəqəmsal Laboratoriyasının eksperti Rəşad Əmircanov və mühəndisi Şəhriyar Novruzov bütün tapşırıqları hamıdan daha sürətli və daha yaxşı yerinə yetirən 9 qalibi seçdi.

Beləliklə, "PASHA Bank Cup II" yarışmasının qalibləri aşağıdakılardır:

Kateqoriya: Məktəblilər	Qalib	Yekun nəticə	Mükafat
1 yer	Murad Eynizadə	100	Apple MacBook Pro 13
2 yer	Əziz Hüseynov	100	e-reader Pocketbook 614 Black
3 yer	Hüseyn Hacıyev	76.4	Xiaomi Mi Band 4

Kateqoriya: Tələbələr	Qalib	Yekun nəticə	Mükafat
1 yer	Ziya Muxtarov	100	Apple MacBook Pro 13
2 yer	Ülvi Aslanlı	74	Apple AirPods 2
3 yer	Nicat Hüseynov	69.8	e-reader Pocketbook 614 Black

Kateqoriya: Mütəxəssislər	Qalib	Yekun nəticə	Mükafat
1 yer	Rəşad Məmmədov	84.8	Apple MacBook Pro 13
2 yer	Fərid Əhmədov	67.2	Apple iPad 9.7 32GB Wi-Fi Grey
3 yer	Ramil Həsənov	61	Apple AirPods 2

Xatırladaq ki, İT mütəxəssisləri üçün sayca ikinci “PAŞA Bank Cup II” yarışmasında 300-dən çox insan iştirak etmiş, onlardan 55-i müsabiqənin final mərhələsinə yüksəlmişdir.

İl ərzində baş tutan 4 seçmə mərhələ HackerRank platforması üzərindən onlayn aparılmışdır. PAŞA Bank, Azərbaycanda proqramlaşdırma sektorunun inkişafına, o cümlədən bu ixtisas üzrə təhsil alan məktəblilər və tələbələrin biliklərinin artırılmasına və artıq mütəxəssislərin peşə bacarıqlarının artırılmasına yönəlmiş müsabiqələrin keçirilməsini davam etdirməyi planlaşdırır.

04.09.2020 09:45

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az