Banklar Palataya bu il 9 milyon manat haqq ödəyəcək - YENİLƏNİB

Banklar Palataya bu il 9 milyon manat haqq ödəyəcək - YENİLƏNİB

Azərbaycanda fəaliyyət göstərən kommersiya banklarının bu il Maliyyə Bazarlarına Nəzarət Palatasına (MBNP) ödəyəcəyi haqqın məbləği onların ötən ilin yekunundakı maliyyə göstəriciləri əsasında müəyyən ediləcək.

Bu barədə Palatanın Direktorlar Şurası sədrinin müşaviri Rüfət Abbasov məlumat verib.

Xatırladaq ki, ötən gün qüvvəyə minmiş qaydalara görə, aktivlərinin həcmi 1 mlrd. manatdan çox olan banklar 800 min manat, aktivlərinin həcmi 500 mln. manatdan 1 mlrd. manata qədər olan banklar 500 min manat, aktivlərinin həcmi 500 mln. manata qədər olan banklar isə 300 min manat Palataya illik haqq ödəməlidir.

31 dekabr 2016-cı il tarixinə 32 yerli bankdan 5-nin aktivləri 1 mlrd. manatdan çox, 8-nin aktivləri 500 mln. manatdan 1 mlrd. manata qədər, 19-nun aktivləri isə 500 mln. manata qədərdir. Son nəticədə Azərbaycan bankları Palataya 13,7 mln. manat haqq ödəməlidir.

№	Kommersiya bankları	Bank aktivlərinin həcmi, mln. manat (31.12.2016)	MBNP-yə ödəniləcək illik haqq, min manat
1	Accessbank	1 058,872	800
2	AFB Bank	300,446	300
3	AGBank	520,003	500
4	Amrahbank	256,224	300
5	Atabank	472,542	300
6	International Bank of Azerbaijan	12 223,723	800
7	Azərbaycan Industry Bank	787,179	500
8	Azer-Turk Bank	469,550	300
9	Bank Eurasia	143,417	300
10	Bank of Baku	549,609	500
11	Bank BTB	241,508	300
12	Bank Respublika	912,117	500
13	Silkway Bank	403,993	300
14	Bank VTB (Azerbaijan)	435,563	300
15	Caspian Development Bank	129,295	300
16	Demirbank	538,829	500
17	Expressbank	286,822	300
18	Gunaybank	118,810	300
19	Xalg Bank	1 668,621	800
20	Kapital Bank	3 096,691	800
21	Bank Melli Iran-Baku	80,468	300
22	Muganbank	470,824	300
23	Naxchivanbank	126,407	300
24	NBC Bank	158,970	300
25	Nikoil Bank	439,726	300
26	National Bank of Pakistan-Baku	11,263	300
27	PASHA Bank	3 149,516	800
28	Rabitabank	522,288	500
29	Turanbank	528,222	500
30	Unibank	716,522	500
31	YapiKredi Bank Azerbaijan	447,862	300
32	Ziraat Bank Azerbaijan	132,196	300
	Cəmi	31 398,080	13 700

Bununla belə, R.Abbasov bildirib ki, qaydalar 19 aprel 2017-ci ildən qüvvəyə mindiyi üçün banklar bu ilin qalan 8 ayının pulunu Palataya ödəyəcək. Bu isə təxminən 9,1 mln. manat təşkil edir.

20.04.2017 08:43