İlk özəl kredit bürosu gələn ilin əvvəlində işə başlayacaq

İlk özəl kredit bürosu gələn ilin əvvəlində işə başlayacaq

İlk özəl kredit bürosu gələn ilin əvvəlində işə başlayacaq

Azərbaycanda yaradılan ilk özəl kredit bürosunun gələn ilin əvvəlində fəaliyyətə başlayacağı gözlənilir.

Bunu jurnalistlərə açıqlamasında Büronun İdarə Heyətinin sədri Elçin Əhmədov deyib.

Onun sözlərinə görə, hazırda təsisçilər tərəfindən büronun təşkilati-hüquqi forması dəqiqləşdirilir. Tezliklə yeni şirkətin dövlət qeydiyyatına alınması üçün Vergilər Nazirliyinə müraciət ediləcək: “Şirkət yəqin ki, “Creditinfo-Azerbaijan” adlanacaq”.

E.Əhmədov qeyd edib ki, kredit bürosu sadəcə məlumat bazası rolunu oynamayacaq. Yeni maliyyə qurumu bazarda monitorinqlər aparacaq, analizlər edəcək və maliyyə bazarı iştirakçılarının risklərinin maksimal dərəcədə optimallaşdırılmasına kömək edəcək.

Büroya məlumatlar təkcə banklar deyil, bank olmayan kredit təşkilatları, tədricən mobil operatorlar, kommunal xidmət qurumları, lizinq və hətta sığorta şirkətləri tərəfindən də ötürüləcək. Məqsəd odur ki, müştərilərin maliyyə sektorunun bütün iştirakçıları ilə münasibətləri, onların özlərini necə göstərməsi əvvəlcədən məlum olsun. Bunlar qərar qəbul etməkdə mühüm ünsürlərdən biridir: “Bununla yanaşı, hər bir vətəndaşa da ildə bir dəfə öz məlumatları ilə tanış olmaq imkanı yaradılacaq”.

Kredit bürosunun təsisçilərinin sayı arta bilər

Azərbaycanda yaradılan ilk özəl kredit bürosunun 22 təsisçisi olsa da, gələcəkdə bu rəqəm arta bilər.

Bu barədə Azərbaycan Banklar Assosiasiyasının (ABA) sədri Zakir Nuriyev məlumat verib.

“Hazırda təsisçilər sırasında İslandiyanın “Creditinfo” şirkəti, 19 yerli bank, 1 bank olmayan kredit təşkilatı (“TBC Kredit” MMC”) və 1 sığorta şirkəti olsa da, ümid edirik ki, gələcəkdə bu sıraya maliyyə sektorunuin digər iştirakçıları da qoşulacaq”, - deyə ABA rəhbəri qeyd edib.

19.04.2017 17:48