İcbari sığorta növləri üzrə ödənişlər azalıb

İcbari sığorta növləri üzrə ödənişlər azalıb

İcbari sığorta növləri üzrə ödənişlər azalıb

Könüllü sığorta 14%, icbari sığorta isə 7% artıb

Bu ilin yanvar-may aylarında Azərbaycanda könüllü sığorta növlərinin hesabına 242 milyon 354 min manat sığorta haqqı toplanılıb.

Azərbaycan Mərkəzi Bankının statistikasına görə, bu, ötən ilin eyni dövrü ilə müqayisədə 13,9% çoxdur.

Son 1 ildə icbari sığorta növləri hesabına daxilolmaların məbləği isə 6,6% artaraq 113 milyon 553 min manat olub.

Hesabat dövründə könüllü sığorta növləri isə ödənişlərin məbləği 110 milyon 747 min manat təşkil edib ki, bu da illik müqayisədə 73% çoxdur. İl ərzində icbari sığorta növləri üzrə ödənişlərin məbləği isə 12,4% azalaraq 26 milyon 53 min manata düşüb.

Beləliklə, 2020-ci ilin yanvar-may aylarında könüllü sığorta bazarından toplanmış hər 100 manat sığorta haqqının 45,7 manatı qədər ödəniş edilib. Bu rəqəm 2019-cu ilin yanvar-may aylarında 30,1 manat olub. İl ərzində icbari sığorta bazarında hər 100 manat sığorta haqqına düşən ödənişin məbləği isə 27,9 manatdan 22,95 manata düşüb.

Həyat sığortası 21%, qeyri-həyat sığortası isə 6% artıb

Bu ilin yanvar-may aylarında Azərbaycanda həyat sığortası növlərinin hesabına 140 milyon 866 min manat sığorta haqqı toplanılıb.

Bu, ötən ilin yanvar-may ayları ilə müqayisədə 21,2% çoxdur.

Son 1 ildə qeyri-həyat sığortası növlərinin hesabına daxilolmalar isə 251 milyon 4 min manat təşkil edib. Bu isə illik müqayisədə 5,9% çoxdur.

Hesabat dövründə həyat sığortası növləri üzrə ödənişlər 2,3 dəfə artaraq 71 milyon 736 min manata, qeyri-həyat sığortası növləri üzrə ödənişlər isə 3,8% artaraq 65 milyon 64 min manata çatıb.

Beləliklə, 2020-ci ilin yanvar-may aylarında həyat sığortası bazarında toplanmış hər 100 manat sığorta haqqının 50,9 manatı, qeyri-həyat sığortası bazarında toplanmış hər 100 manat sığorta haqqının isə 30,3 manatı müştərilərə geri ödənilib. Bu rəqəmlər 2019-cu ilin yanvar-may aylarında müvafiq olaraq 26,75 manat və 30,9 manat olub.

©️ “Renkinq”

29.06.2020 09:27

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az