"Mərkəzi banklar bazarlara sürpriz etməməlidir"

"Mərkəzi banklar bazarlara sürpriz etməməlidir"

"Mərkəzi banklar bazarlara sürpriz etməməlidir"

ABŞ Mərkəzi Bankı (Fed) sədrinin müavini Stenli Fişer (Stanley Fischer), mərkəzi bankların bazarlara sürpriz etməkdən çəkinməsi lazım olduğunu söyləyib.

"Marja" xəbər verir ki, Kolumbiya Universitetində bir tədbirdə çıxış etmiş Fişer, mərkəzi banklar ilə bazarlar arasındakı əlaqə haqqında danışıb.

VTB-də minimal faiz dərəcəsi ilə nağd kredit 9.9%-dən

Fişer, bazar aktyorları tərəfindən dəstəklənməməsi halında belə, mərkəzi bankların dəyişən pul siyasətləri çərçivəsində mövqelərini açıqlamaq məcburiyyətində olduqlarını söyləyib.

Mərkəzi bankların maliyyə bazarlarna sürpriz etməkdən çəkinməsi lazım olduğuna diqqəti çəkən Fişer, sürprizlərin tez-tez baş verməsi halında isə mərkəzi bankların funksiyanın sual altına alınacağı və bazarlarla mərkəzi banklar arasında əlaqənin axsayacağını ifadə edib.

Fişer, Federal Açıq Bazar Komitəsinin (FOMC) iqtisadi mənzərəyə dair fikirlərini və pul siyasəti ilə bağlı dəyişiklikləri bazarla dəqiq şəkildə bölüşərək, Fed-in bazarlarda sürpriz etməyi əngəllədiyini bildirib.

İqtisadiyyatda gözlənilməz şokların ortaya çıxması ehtimalına da işarə edən Fişer, bu cür vəziyyətlərdə Fed-in faiz nisbətlərini və pul siyasəti duruşunu hədəfləri istiqamətində dəyişdirməsi lazım olduğunu bildirib.

Fişer, Fedin mart ay iclas protokollarında 4,5 trilyon dollarlıq balansını bu ilin sonuna doğru kiçiltməyə başlaya biləcəyinin siqnalını verməsi haqqında da qiymətləndirmə edib.

Keçmişlə müqayisədə bazarda risklərin daha az göründüyünü deyən Fişer, yenə də Fed-in balansını kiçiltməyə başlamaq üçün siyasətlər həyata keçirməyə başlayanda FOMC-ın bazarlardakı prosesləri və gözləntiləri diqqətlə izləyəcəyini sözlərinə əlavə edib.

18.04.2017 08:11