İrşad Electronics Mübariz İbrahimovun adını daşıyan liseyi komputerlərlə təchiz etdi

İrşad Electronics Mübariz İbrahimovun adını daşıyan liseyi komputerlərlə təchiz etdi

İrşad Electronics Mübariz İbrahimovun adını daşıyan liseyi komputerlərlə təchiz etdi

(®️) Azərbaycan əsgərinin qəhrəmanlıq rəmzi sayılan Mübariz İbrahimovun şəhid olmasının 10- cu ildönümü ilə əlaqədar olaraq İrşad Electronics şirkəti Biləsuvar rayonunda yerləşən, Milli Qəhrəmanın adını daşıyan Biləsuvar Təhsil Kompleksini ziyarət edib.

Korporativ sosial məsuliyyət siyasəti çərçivəsində təşkil edilən ziyarətin əsas məqsədi gənc Mübarizlərin təhsilinə dəstək olmaq, gənclərdə vətənpərvərlik ruhunun aşılanmasına tövhə vermək idi. Bununla əlaqədar olaraq, İrşad Electronics tərəfindən liseydə unudulmaz qəhrəmanımızın adını daşıyan informatika otağı yeni noutbuklar və proyektorla təchiz edilmişdir.

VTB-də yüksək depozit faizləri daha çox qazandırır

Şagirdlərlə onlayn ünsiyyət zamanı qəhrəmanımızın hər kəsə örnək ola biləcək həyat yolu haqqında danışılmış, bu təhsil ocağında təhsil alan hər bir gəncin ölkəmizə layiqli vətəndaş olaraq yetişməsi üçün xüsusi məsuliyyət daşıdığı vurğulanmışdır. Lisey rəhbərliyi göstərilən bu təşəbbüsə görə İrşad Electronics şirkətinə təşəkkür edərək qəhrəmanımızın əziz xatirəsinin əbədiləşməsində rolu olan hər kəsə öz minnətdarlığını bildirmişdir.

Daha sonra şirkət əməkdaşları rayonun Əliabad kəndinə yollanaraq Mübarizin ata ocağını ziyarət etdilər. Ailəsi ilə görüş zamanı Mübarizin qəhrəmanlığından, onun Azərbaycan gənclərinə nümunə olmağından və hər bir azərbaycanlının onun mübarizə dolu həyatı ilə fəxr etməsindən bəhs olundu. Milli qəhrəmanın atası Ağakərim İbrahimov İrşad Electronics-in əməkdaşlarını Mübariz İbrahimova məxsus otaqda ona həsr oluna guşə ilə tanış etdi.

Son olaraq isə İrşad Electronics əməkdaşları dünyada öz şücaəti, vətənpərvərliyi ilə qəhrəmanlıq səlnaməsi yazmış Mübariz İbrahimovun məzarını ziyarət edərək əklik qoymuş və xatirəsini yad etmişdirlər.

Xüsusi olaraq vurğulayaq ki, Pandemiya ilə əlaqədar səfər və ziyarət zamanı infeksiyadan qorunmaq üçün Təbibin tövsiyyələrinə ciddi şəkildə riayət edilmişdir.

18.06.2020 14:04

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az