“PAŞA Coding Bootcamp” kurslarının buraxılış günü keçirilib

“PAŞA Coding Bootcamp” kurslarının buraxılış günü keçirilib

Bu gün veb-tərtibat üzrə “PAŞA Coding Bootcamp” kurslarının buraxılış günü baş tutub.

29 may 2020-ci il tarixində “PAŞA Holding”in Algoritmika Beynəlxalq Proqramlaşdırma Məktəbinin (Mail.ru tərəfdaşı) dəstəyi ilə təşkil etdiyi "PAŞA Coding Bootcamp" adlı veb-tərtibat üzrə intensiv kurs tələbələrinin buraxılışı baş tutub. Ölkədə və dünyada yer alan pandemiya şəraitini nəzərə alaraq, buraxılış günü onlayn formatda həyata keçirilib.

Bootcamp kursunun məqsədi proqram iştirakçılarına 12 həftə ərzində veb-tətbiqlərin yaradılması, onların dizaynının sıfırdan qurulması və hazır məhsulun təqdim edilməsi istiqamətində praktiki biliklərin verilməsidir.

Ölkədə karantin rejimi elan olunduğu gündən, Algoritmika komandası proqramın keyfiyyətini azaltmamaq şərtilə, dərs proqramını nəzərdən keçirib, kursları onlayn formatda davam etdirib.

Sözügedən kursların final mərhələsinə yalnız 23 nəfər keçə bilib.

Bu şəxslər PAŞA qrup şirkətlərində kiçik veb-tərtibatçı vəzifəsində çalışmaq üçün namizəddirlər.

Qeyd edək ki, PAŞA qrupa daxil olan şirkətlər ölkədə İT istiqamətinə marağın artırılmasına böyük önəm verir və bu istiqamətdə müxtəlif tədbirlər həyata keçirirlər. Belə ki, ilin əvvəlindən PAŞA Bank İT mütəxəssislərinin potensialını və Azərbaycan gənclərinin bu sahəyə olan marağını artırmaq məqsədilə “PAŞA Bank Cup”ın keçirilməsi təşəbbüsü ilə çıxış edib. “PAŞA Holding” isə öz növbəsində eyni məqsədi hədəfləyərək ölkə universitetlərinin İT sahəsinə yönəlmiş fakültələrini, habelə universitetlərin startap və təqaüd proqramlarını dəstəkləyir.

PAŞA Coding Bootcamp Paşa holdinq Proqramlaşdırma PAŞA Bank kurslar veb PAŞA qrup veb sayt dizayn veb dizayn sayt dizayn veb-tərtibatçı Coding Bootcamp

29.05.2020 13:54

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az