Trump: Suriyada vətəndaş müharibəsini bitirmək vaxtı çatıb

Trump: Suriyada vətəndaş müharibəsini bitirmək vaxtı çatıb

Trump: Suriyada vətəndaş müharibəsini bitirmək vaxtı çatıb

ABŞ Prezidenti Donald Trump və NATO-nun Baş Katibi Jens Stoltenberq, Ağ Evdəki danışıqlardan sonra birgə mətbuat konfransı keçirərək mətbuat nümayəndələrinin suallarını cavablandırıblar.

VTB-də minimal faiz dərəcəsi ilə nağd kredit 10.49%-dən

"Marja" xəbər verir ki, ABŞ Prezidenti Donald Trump birgə mətbuat konfransında Suriya rejiminin qətliamlarını bir daha pisləyərək, "Suriyadakı vəhşi vətəndaş müharibəsini sona çatdırmağın, terrorçuları məğlub etməyin və qaçqınların evlərinə dönməsini təmin etməyin zamanı gəldi" deyib.

Suriyadakı problemlərin həll edilməsi üçün NATO ilə birlikdə işlərinin əhəmiyyətinə işarə edən Trump, "Əsədin qorxunc silahlar istifadə edərək həyata keçirdiyi qətliamların qınanmasında NATO üzvü olan ölkələrin və müttəfiqlərin dəstəyinə minnətdarıq. Kiçik və yardıma möhtac uşaqlar, körpələr də daxil, məsum vətəndaşların dəhşətli şəkildə kimyəvi silahlarla qətlə yetirilməsi, insan həyatına dəyər verən bütün millətlər tərəfindən qəti olaraq rədd edilməlidir" şəklində danışıb.

MOSKVA RƏHBƏRLİYİNİ TƏNQİD ETDİ

Əsəd rejiminə verdiyi dəstəyə görə Moskva rəhbərliyini də tənqid edən Trump, "Hazırda Rusiya ilə razılaşa bilmirik. Əgər razılaşa bilsək çox yaxşı olardı. Yəqin ki, Rusiya ilə münasibətlərimiz ən aşağı səviyyədə ola bilər" şərhini edib.

İdlibdəki kimyəvi silah hücumundan Rusların xəbəri olub olmadığı barədə suala Trump, Rusiyanın Əsəd rejimi ilə yaxın çalışdığını və bu təcavüzdən xəbərlərinin olma ehtimalının yüksək olduğunu bildirib. Bununla belə, qəti ifadələr işlətməyən Trump, davam edən araşdırmalara istinad edərək, "nəticələri görəcəyik" deyib.

13.04.2017 06:18