ÖDƏNİŞSİZ FOREX SEMİNARINA QATILIN!

ABŞ Prezidenti Donald Trump, dolların bahalaşmasının Amerika şirkətlərinin rəqabət qabiliyyətinə zərər verdiyini bildirərək, "Düzünü desəm, aşağı faiz siyasətini bəyənirəm" deyib. Bu açıqlaması ilə Trump, ABŞ Mərkəzi Bankının  (Fed) sədri Janet Yelleni yenidən namizəd göstərmək məsələsində qapını aralı qoyub.

"Marja" xəbər verir ki, Trump, "Wall Street Journal"a verdiyi müsahibədə, Fed-in rəhbərliyinə, dolların dəyərinə və valyuta məzənnəsi manipulyasiyasına dair fikirlərini bildirib.

Fed Sədri Janet Yelleni vəzifə müddəti 2018-ci ilin Fevral ayında başa çatdıqda yenidən namizəd göstərib göstərməyəcəyi barədə suala "Hələ çox tezdir"  cavabını verən Trump, "Yelleni bəyənirəm, ona hörmət edirəm" ifadələrini istifadə edib.

 Trump-ın Yellen haqqındakı bu şərhlərinin, seçki kampaniyası müddətində dediklərindən fərqli olması diqqəti çəkib.

 Trump, keçən ilin may ayında Yelleni ilk dörd illik səlahiyyət müddəti bitdikdə böyük ehtimalla yenidən namizəd göstərməyəcəyini demişdi.

 "AŞAĞI FAİZ SİYASƏTİNİ BƏYƏNİRƏM"

 Fed-in pul siyasətinə dair fikirlərini də bölüşən Trump,"Düzünü desəm aşağı faiz siyasətini bəyənirəm" deyib.

 Trump, Dolların qismən özü-üzündəngücləndiyini söyləyərək, "Dolların həddən artıq dəyərli olduğunu düşünürəm və bu qismən mənim səhvimdir, çünki insanlar mənə güvənir və buna görə Dollar bahalaşıb".

 Güclü dolların xüsusilə ABŞ-ın ixracına mənfi təsir göstərdiyini qeyd edən Trump, "Digər ölkələr valyutalarını devalvasiya edərkən, siz güclü dollara sahib olduğunuz zaman rəqabət etməyiniz çox çətindir"- deyə bildirib.

"ÇİNİ VALYUTA MANİPULYATORU ELAN ETMƏYƏCƏYİK"

 Çinin,  ABŞ Xəzinə Nazirliyinin bu həftə ərzində dərc edəcəyi gözlənilən hesabatda "Valyuta manipulyatoru" elan edilməyəcəyini bildirən Trump, beləliklə, seçki kampaniyasında verdiyi bir başqa sözündə geri addım atmış olub.

 Pekin rəhbərliyi üçün "Valyuta manipulyatoru deyillər" ifadəsini işlədən Trump, fikrini Çinin aylardır valyuta məzənnələrinə müdaxilə etmədiyinə və Şimali Koreya ilə bağlı danışıqları təhlükəyə atmamaq üçün dəyişdirdiyini dilə gətirib.

 Ağ Evdəki üçüncü ayını keçirən Trump, seçki kampaniyası ərzində Yuanın dəyərini bazara müdaxilə edərək aşağı saxlamaqda günahlandırdığı Çini vəzifəyə gəldiyi ilk gün valyuta manipulyatoru elan edəcəyi vədini vermişdi.

DOLLAR, TRUMP-IN ŞƏRHLƏRİNDƏN SONRA DÜŞDÜ

 ABŞ Prezidenti Donald Trumpın "Wall Street Journal"a verdiyi müsahibədə "dolların çox güclü olduğunu" söyləməsi bazarların hərəkətə gəlməsinə səbəb oldu.

 Dolların, avro, yen, funt-sterlinq, Kanada dolları, İsveç kronu və İsveçrə frankı olmaqla 6  valyuta vahidinə qarşı dəyərini ölçən Beynəlxalq Dollar İndeksi 0,6 faiz dəyər itirib və 100,06-ya geriləyib.

Dollar/yen məzənnəsi 109,08-ə enərək noyabr ayından bu yana ən aşağı səviyyəsini görüb. Bundan başqa, Nyu York Birjasında indekslər günü azalmailə başa vurublar.

 Bununla yanaşı, Trumpın Fed-in faizləri aşağı saxlamasına yaxşı baxdığını açıqlamasının ardından 10 illik Xəzinə istiqrazlarının faizi, kəskin azalma ilə 2017-nin ən aşağı səviyyəsinə enib.

UNİBANK MOBİLE - BANKDAN DAHA YAXIN