Dünyada saç əkilməsi sahəsində ilk yeri tutan Türkiyə, bu məqsədlə 2019-da ölkə xaricindən 498 min nəfəri qəbul edib  və onlardan 1 milyard 494 milyon dollar gəlir əldə edib. 2020-də hədəf  2 milyard dollara yaxın gəlirdir. Ancaq corona virusu epidemiyası bu sektoru da təsir edə bilər, çünki ildə 18 min adamın saç əkdirmək üçün Türkiyəyə gəldiyi İtaliyadan uçuşlar  dayandırılıb.

Marja-nın məlumatına görə, Türkiyə Sağlamlıq Turizminin İnkişafı Şurasının rəhbəri Emin Çakmak bildirib ki, İstanbulda 1500 saç əkmə mərkəzi fəaliyyət göstərir.

Emin Çakmak, 2019-da sağlamlıq turizmi üçün Türkiyəyə gələnlərin sayının 1 milyon 87 min nəfərə çatdığını, cəmi 10,2 milyard dollar gəlir əldə edildiyini söyləyib. 2019-da turist sayı 890 min, gəlir 8,5 milyard dollar idi.

Türkitə sağlamlıq turizmində bir ildə turist sayında 22%, gəlirdə isə 20% artıma nail olub.

2020-də hədəf turist sayında 1 milyon 250 min, gəlirdə isə  12,5 milyard dollardır.

2010-da sağlamlıq turizmində turist sayının 487 min nəfər, gəlirin 2,4 milyard dollar olduğunu xatırladan Çakmak, Türkiyənin sağlamlıq turizmində gəlir baxımından dünyada üçüncü, adam sayında beşinci olduğunu bildirib.

Dünyada sağlamlıq turizmində Türkiyədən öndə gəlir üzrə ABŞ və Almaniya, turist sayı üzrə ABŞ, Almaniya, Tayland və Hindistan var.

SAÇ ƏKİMİNDƏ TÜRKİYƏ BİRİNCİDİR

Çakmak Türkiyənin sağlamlıq turizminin bir alt qolu olan saç əkilməsində  dünyada birinci olduğunu söyələyib.

Çakmak, 2019-da Türkiyəyə saç əkilməsi üçün 498 min adam gəldiyini və bu şəxslərdən 1 milyard 494 milyon dollar gəlir əldə edildiyini bildirib. Bir ildə adam sayı və gəlirdə 46% artım qeyd edilib. 2010-da saç əkimində adam sayı 110 min, gəlir 330 milyon dollar idi. 

2020-də hədəf, adam sayında 650 min, gəlirdə 1 milyard 950 milyon dollardır.

ORTA QİYMƏT 2 MİN DOLLARDIR

Saç əkimində qiymətlər adamın nə qədər saç əkdirmək istədiyinə görə qiymət dəyişir. Qiymətlərin 1 dollar ilə 4 min dollar arasında dəyişdiyini, orta qiymətin 2 min dollar olduğunu qeyd edən Çakmak, qalmaq və nəqliyyat da daxil edildiyində bir nəfərin orta hesabla 3 min dollar xərclədiyini bildirib.

1 Mart Bazar günü İspaniyada Real Madrid ilə Barcelona klubları arasında  futbol qarşılaşmasında pannolarda çıxan bir reklam diqqət çəkib. Yüz milyonlarla adamın izlədiyi matçda, stadiondakı pannolarda saç əkilməsi ilə məşğul olan bir Türkiyə  şirkətinin reklamı göstərilib.