"Bank Respublika"nın səhmdarlarının yeni pay bölgüsü açıqlanıb

"Bank Respublika"nın səhmdarlarının yeni pay bölgüsü açıqlanıb

"Bank Respublika"nın səhmdarlarının yeni pay bölgüsü açıqlanıb

"Bank Respublika" ASC-nin səhmdarlarının pay bölgüsü dəyişib.

Dəyişiklik Bankın ötən ilin sonlarına yaxın nizamnamə kapitalının 20 mln. manat və yaxud 53,4% artırılaraq 57,461 mln. manata çatdırılmasından sonra baş verib.

Belə ki, "Bank Respublika"nın kapital artımı üçün dövriyyəyə buraxdığı, hər birinin nominal dəyəri 2,45 manat olan 8 163 280 ədəd yeni səhmin hamısını Bankın əsas sahibi, yaxın günlərə qədər Müşahidə Şurasının (MŞ) sədri olmuş, hazırda isə MŞ-nın üzvü olan Natiq Saday oğlu Quliyev əldə edib. Son nəticədə onun "Bank Respublika"dakı payı 16,6651%-dən 45,6709%-ə yüksəlib.

Əvəzində, digər səhmdarların Bankdakı payı azalıb. Belə ki, Almaniyanın "DEG" investisiya şirkətinin payı 16,6667%-dən 10,8656%-ə, "Sparkassen International Development Trust" şirkətinin payı 8,3333%-dən 5,4328%-ə, Elçin Saday oğlu Quliyevin (MŞ-nın üzvü) payı 15,1753%-dən 9,8933%-ə, Sevda Saday qızı Quliyevanın payı 14,5271%-dən 9,4708%-ə, Saday Əsəd oğlu Quliyevin payı 14,3627%-dən 9,3635%-ə, Mariya Heydər qızı Quliyevanın payı 14,0668%-dən 9,1707%-ə, digər 3 hüquqi və 9 fiziki şəxsin payı isə 0,2030%-dən 0,1323%-ə düşüb.

Başqa sözlə, Quliyevlər ailəsi "Bank Respublika"dakı payını 74,8%-dən 83,57%-ə çatdırıb, Almaniya şirkətlərinin isə payı isə kapital artımında iştirak etmədikləri üçün avtomatik olaraq 25%-dən 16,3%-ə enib.

Bank Respublikanın yenidən nizamnamə kapitalını 20 milyon manat artıracağı gözlənilir.

Xatırladaq ki, "Bank Respublika" ASC 1992-ci ildə yaradılıb.

"Bank Respublika"nın səhmdarlarının pay bölgüsü
Səhmdarlar	Əvvəl		İndi
Səhmdarlar	Səhm sayı	Faiz nisbəti	Səhm sayı	Faiz nisbəti
"DEG" investisiya şirkəti (Almaniya)	2 548 372	16,6667%	2 548 372	10,8656%
"Sparkassen International Development Trust" şirkəti (Almaniya)	1 274 179	8,3333%	1 274 179	5,4328%
Natiq Saday oğlu Quliyev	2 548 130	16,6651%	10 711 410	45,6709%
Elçin Saday oğlu Quliyev	2 320 331	15,1753%	2 320 331	9,8933%
Sevda Saday qızı Quliyeva	2 221 229	14,5271%	2 221 229	9,4708%
Saday Əsəd oğlu Quliyev	2 196 078	14,3627%	2 196 078	9,3635%
Mariya Heydər qızı Quliyeva	2 150 841	14,0668%	2 150 841	9,1707%
Digər 3 hüquqi və 9 fiziki şəxs	31 038	0,2030%	31 038	0,1323%
Cəmi	15 290 198	100,0000%	23 453 478	100,0000%
Nizamnamə kapitalı	37 460 985,1 manat		57 461 021,1 manat

10.04.2017 07:47

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az