Neft qiymətləri Rusiya ilə qalxıb

Neft qiymətləri Rusiya ilə qalxıb

Neft qiymətləri, Rusiyanın hasilatın azaldılması müqaviləsinin İyun ayından sonraya uzadılmasına üstünlük verdiyinə işarə etməsinin ardından az da olsa qalxıb.

"Marja" xəbər verir ki, ötən həftə ABŞ-ın Suriyaya raket hücumundan sonra neftin 3.2 faiz bahalaşmasının ardından yenidən 0.7%-ə qədər yüksəlib.

VTB-də minimal faiz dərəcəsi ilə nağd kredit 9.9%-dən

Rusiyanın energetika naziri naziri Aleksandr Novak etdiyi açıqlamada, Energetika Nazirliyinin, neft şirkətlərilə altı aylıq müqavilənin müddəti başa çatdıqdan sonra uzadılmasına ehtiyac olub-olmadığını müzakirə etdiklərini deyib. Novak, istehsalın azaldılmasının bazara sabitlik gətirdiyini, ancaq müqavilənin uzadılıb uzadılmaması barədə qərar vermək üçün hələ çox erkən olduğunu deyib. Rusiya OPEC üzvü olmamasına baxmayaraq, digər 10 ölkə ilə birlikdə Yanvar ayından etibarən istehsalın azaldılması razılaşmasına daxil olub.

Baker Hughes Inc.-ın məlumatlarına görə, ABŞ-da aktiv neft buruqlarının sayı 2015-ci ilin Avqust ayından bu yana ən yüksək səviyyəsinə çıxıb.

Neft İxrac Edən Ölkələr Birliyinin (OPEC) hasilatın azaldılması razılaşmasının uzadılmasına dəstəyi, ABŞ-da hasilat və ehtiyatların artmasının təsirlərini ortadan qaldıraraq, qiymətlərin 50 dolların üzərində qalmasını təmin edib.

Analitiklər bildirirlər ki, müqavilənin yəqin ki, daha altı ay uzaltılmasına ehtiyac var.

Qərbi Texas nefti (WTI) Nymex birjasında 38 sent bahalaşaraq bareli 52.62 dollara qədər, Brent nefti Londonda ICE Futures Europe birjasında 28 sent və ya 0.7 faiz bahalaşaraq bareli 55.52 dollara qədər çıxıb.

BİLETİ EVİNİZDƏN VƏ İŞİNİZDƏN AYRILMADAN ALIN – WWW.SAFAR.AZ

10.04.2017 06:43