Azərbaycanda spirtli içki istehsal edən şirkət cərimələnidi

Azərbaycanda spirtli içki istehsal edən şirkət cərimələnidi

Azərbaycanda spirtli içki istehsal edən şirkət cərimələnidi

Azərbaycanda spirtli içki istehsal edən “Kristall Plus” Qapalı Səhmdar Cəmiyyəti inzibati qaydada cərimə edilib.

VTB-də yüksək depozit faizləri daha çox qazandırır

Binəqədi Rayon Məhkəməsi valyuta tənzimi qaydalarını pozduğuna görə, şirkətin 90 569 Rusiya rublu (təxminən 2500 manat) miqdarında inzibati qaydada cərimə olunması barədə qərar çıxarıb.

“Kristall Plus” QSC İnzibati Xətalar Məcəlləsinin (İXM) 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsi ilə təqsirli bilinib.

Qərardan şirkət tərəfindən verilmiş apellyasiya şikayətinə Bakı Apellyasiya Məhkəməsində baxılır.

Qeyd edək ki, əsası 2004-cü ildə qoyulan "Kristall Plus” QSC Azərbaycanda, eləcə də onun sərhədlərindən kənarda konyakın, eyni zamanda, tünd və sərt içkilərin istehsalı, qablaşdırılması və satışını həyata keçirir.

Hal-hazırda zavod "ProbaGold", "Medovaya", "ProbaSilver", "Zubrovka", "Starka", "Zernovaya", "Kubanskaya" kimi tünd, eləcə də "Oxota", Konyak 3* kimi müxətlif məhsullar istehsal edir.

Hal-hazırda qüvvədə olan Qaydalara əsasən, xaricə ödənilmiş avans ödənişləri müqabilində alınan mal 270 gün ərzində Azərbaycan Respublikasına idxal edilməlidir. Həmin müddət ərzində mallar idxal edilmədikdə, xidmətlər göstərilmədikdə və ya qabaqcadan ödənilmiş məbləğ geri qaytarılmadıqda sahibkarlıq subyektləri yüksək məbləğdə cərimə edilirlər. Təklif olunur ki, valyuta tənzimi əvvəlki formaya 360 günə qaytarılsın və bundan əlavə bəzi mürəkkəb avadanlıqların idxalı zamanı xüsusi mexanizmlər, məsələn sövdələşmə tarixçəsi tətbiq edilsin.

YATIRIM İNDİ DAHA RAHAT

13.02.2020 11:52

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az