Çinin internet nəhəngi ilk 10-a girdi

Çinin internet nəhəngi ilk 10-a girdi

"Wechat" adlı mobil tətbiqilə tanınan Çinin texnologiya nəhəngi "Tencent" 279 milyard dollarlıq bazar dəyəri, hələ də "Apple"ın bir nömrə olduğu dünyanın ən qiymətli ilk 10 birja şirkəti arasına girməyi bacarıb.

"Marja" xəbər verir ki,"Tencent"i Honq Konq birjasında Çərşənbə günü 1,6 faiz artımla 279 milyard dollarlıq bazar dəyərinə çatıb və beləliklə, Nyu-York birjasında 275,1 milyard dollardan bağlanan Amerikanın maliyyə qurumu "Wells Fargo"yu geridə qoymuşdur. Hazırda dünyanın ən dəyərli on şirkətindən altısı texnologiya şirkətidir. İlk dörd sırada Apple, Alphabet (Google), Microsoft və Amazon yer alır.

VTB-də minimal faiz dərəcəsi ilə nağd kredit 9.9%-dən

Honq Konq birjasında əməliyyat görən Çinin "Tencent" şirkətinin bazar dəyəri son on iki ayda 44 faiz artıb. Keçən ilin sentyabr ayında "Tencent", o vaxta qədər bazar dəyəri baxımından birinci olan "China Telecom"u geridə qoyaraq Çində birja dəyəri ən yüksək şirkət olmağı bacarıb. Analitiklər qiymət artımının davam edəcəyini təxmin edirlər.

Şenzendə 1999-ci ildə yaradılan qrupun maliyyə vəziyyətinin güclənməsində xüsusilə mobil telefon oyunlarının populyarlıq qazanması mühüm rol oynayıb. Ağıllı telefonlar üçün inkişaf etdirdiyi "Honour of Kings" kimi oyunlar sayəsində dövriyyəsində 25%-lik bir artım baş verib. Xüsusilə də ötən il, "Clash of Clans"ın yaradıcısı olan Finlandiyanın video oyun studiyası "Supercell"in əksəriyyət hissəsini 8,6 milyard dollara satın alması ilə oyun sektorundakı mövqeyini daha da möhkəmləndirib.

Çinin "Tencent" şirkəti onlayn məcrada reklamdan oyunlara, musiqi, ödəmə, video məzmun istehsalı və hətta e-ticarətə qədər çox geniş bir spektrdə imperiya yaratmış durumdadır.

07.04.2017 13:07