InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Beynəlxalq valyuta birjalarında EUR/USD məzənnəsi ucuzlaşmaqda davam edir. Təhlillər ucuzlaşmanın 1.10$-a kimi davam edəcəyini proqnozlaşdırmağa əsas verir. Avropa Mərkəzi Bankının yumşaq monetar siyasəti və açıqlanan mənfi fundamental göstəricilər əsas səbəblər arasındadır. Bununla yanaşı, ABŞ hökümətinin Çin ilə razılaşma imzaladıqdan sonra Avropaya qarşı sərt tələbləri də artmağa başlayıb.

GBP

GBP/USD məzənnəsi də təzyiq altındadır və keçən həftənin minimumu qıralarsa, ucuzlaşma 1.29$-a kimi davam edə bilər.

Çərşənbə axşamı əmək bazarı, çərşənbə günü pərakəndə satış və cümə günü ölkənin istehsal və xidmət sektorların biznes aktivliyi ilə bağlı Bakı vaxtı ilə saat 13:30-da açıqlanacaq önəmli fundamental göstəricilər, investorlar tərəfindən böyük maraqla gözlənilir.

TRY

Lirədə bahalaşma müşahidə edilir və bahalaşmanın 5.78TL-yə kimi davam edə biləcəyi proqnozları da gündəmdədir.

OIL

Enerji birjalarında Avropanın Brent markalı neftinin bir barel qiymətində bahalaşma müşahidə edilir və bahalaşmanın qiymət 65$-ın üzərində qaldıqca, 68$-a kimi güclənə biləcəyi proqnozlaşdırılır. Bahalaşmaya təsir edən əsas amillər arasında Yaxın Şərqdə geosiyasi risklərin artması və ABŞ-Çin ticarət sazişinin imzalanması da önəmli rol oynayır.

Cümə axşamı saat 20:00-da açıqlanacaq Amerikanın neft və benzin ehtiyatları ilə bağlı önəmli fundamental məlumatlar da diqqət mərkəzindədir.

GOLD

Dünyada siyasi və iqtisadi risklərin mövcudluğu, əlvan metallar bazarlarında qızıla olan tələbin aktual səviyyələrdə qalmasına səbəb olur. Belə ki, bir unsiya üzrə qiymətdə keçən həftə müşahidə edən bahalaşma 1584$-a (50.9 $/qram) kimi də davam edə bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin  Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.