"Hələ də taxta dirəklər qalmaqdadır, onlar dəyişdirilməlidir"

"Siz “Azərenerji”yə enerji pulunu 100 faiz ödəyirsiniz və yığım da 95 faizdir, bu da hesab edirəm ki, yaxşı nəticədir".
"Marja" xəbər verir ki, bunu Prezident İlham Əliyev Vüqar Əhmədovu “Azərişıq” ASC-nin sədri vəzifəsinə təyin olunması ilə əlaqədar qəbul edərkən bildirib.
İlham Əliyev çıxışına belə davam edib:
"Əlbəttə ki, gələcəkdə, xüsusilə ucqar dağ kəndlərində enerji təsərrüfatına da böyük diqqət göstərilməlidir. Çünki biz demək olar ki, bütün şəhərlərdə artıq yeni yarımstansiyaların, transformatorların quraşdırılması nəticəsində problemi həll etmişik, ancaq bəzi kəndlərdə dirəklər köhnədən qalıbdır. Mən o kəndlərdə olarkən görürəm ki, hələ də taxta dirəklər qalmaqdadır. Onları müasir dirəklərə dəyişdirmək üçün əlavə tədbirlər görülməlidir. Paylayıcı xətlər indi tamamilə yenilənibdir. Ona görə enerji təminatını indiki səviyyədə saxlamaq üçün əlbəttə ki, biz daim fəal olmalıyıq və o cümlədən “Azərişıq” daim bu işlərə diqqət yetirməlidir. Çünki bizim tələbatımız artır. Baxın, 2019-cu ildə qeyri-neft sənayemiz 14 faiz artıbdır. Deməli, əlavə enerji gücü lazımdır. Hesab edirəm ki, şəbəkəyəqoşulma bizdə yüksək səviyyədə təmin olunur. Bəzi ölkələrdə bu, böyük problemə çevrilir və açılan müəssisələr ümumi şəbəkəyə qoşula bilmir. Bizdə bu problem yoxdur. Ancaq tələbat artır, əhali artır və artacaq. İndi əhali 10 milyona çatıbdır. İllər keçdikcə bu, 11 milyona, 12 milyona çatacaq. Ona görə bizim şəbəkəmiz buna hazır olmalıdır. Ona görə biz böyük vəsait ayırırıq ki, generasiya güclərini tamamilə təzələyək. Biz indi profisitlə çalışırıq. Ancaq biz gərək generasiya güclərini daim elə vəziyyətdə saxlayaq ki, Azərbaycanda heç vaxt qıtlıq olmasın. Əlbəttə ki, enerji təsərrüfatını normal vəziyyətdə saxlamaq üçün bütün istismar qaydaları gərək yüksək səviyyədə təmin edilsin.
2018-ci ildə baş vermiş qəza böyük dərs olmalıdır. Bu qəzadan sonra görülmüş tədbirlər öz nəticəsini verməkdədir. Biz yarımstansiyaların dairəvi qaydada birləşdirilməsi nəticəsində özümüzü qəzalardan, qəzaların fəsadlarından qoruyuruq. Qəza hər bir ölkədə baş verə bilər. Ancaq əsas məsələ ondadır ki, bu qəzanın fəsadları hansısa müddət ərzində aradan qaldırılır. Bu dairəvi sistemi biz ona görə yaratmışıq ki, enerji təminatını qısa müddət ərzində təşkil edə bilək. Sizə uğurlar arzulayıram. Əminəm ki, siz bu yüksək etimadı doğruldacaqsınız".
Müştərilərin xəbərləri

Li Auto - nun qlobal rəhbərliyindən sərt qərar – Rəsmi olmayan avtomobillər tamamilə bloklanacaq, bütün funksiyalar dayandırılacaq!
SON XƏBƏRLƏR
- 3 həftə sonra
- 4 saat sonra
-
12 d. əvvəl
Qars-Naxçıvan dəmir yolunun tikintisinə avqustun 22-də start veriləcək
-
- 25 d. əvvəl
-
34 d. əvvəl
“Balland – Kəlbəcər balı, arı və arıçılıq məhsulları mağazası”nın açılışı olub
- 42 d. əvvəl
-
43 d. əvvəl
Payızda Rusiya rublunun yenidən ucuzlaşacağı gözlənilir - 4 SƏBƏB
-
55 d. əvvəl
Kəlbəcər şəhərində 3-cü və 4-cü yaşayış komplekslərinin təməli qoyulub
-
1 saat əvvəl
Prezident və birinci xanım Toğanalı-Kəlbəcər-İstisu avtomobil yolunda görülən işlərlə tanış olublar
- 1 saat əvvəl
-
1 saat əvvəl
Gəncədə yeni avtobus parkı kompleksi fəaliyyətə başlayacaq, gedişhaqqı “CityCard” ilə ödəniləcək
-
2 saat əvvəl
Sonda mənzil kirayəçiyə qalır - 256 tam təmirli mənzil, aylıq 597 manatdan başlayan ödənişlər
Son Xəbərlər

Ən ucuz uçuş və otel təklifləri bir platformada

“SİMA KYC” (Müştərini tanı) “Leobank”da

Payızda Rusiya rublunun yenidən ucuzlaşacağı gözlənilir - 4 SƏBƏB

Prezident və birinci xanım Toğanalı-Kəlbəcər-İstisu avtomobil yolunda görülən işlərlə tanış olublar

Rəsmi məzənnələr açıqlandı
Ən çox oxunanlar

Gəncədə yeni avtobus parkı kompleksi fəaliyyətə başlayacaq, gedişhaqqı “CityCard” ilə ödəniləcək

Sonda mənzil kirayəçiyə qalır - 256 tam təmirli mənzil, aylıq 597 manatdan başlayan ödənişlər

15 min 343 yerlik yeni stadion - sentyabrın 28-dən III MDB Oyunlarına ev sahibliyi edəcək

Dolların sabah üçün rəsmi məzənnəsi müəyyən edilib

27 milyon manatlıq orqanik gübrə istehsalı zavodunun təməli qoyuldu - 200 nəfər işlə təmin olunacaq
