"11 bank bağlandı, 4200 nəfər iş yerini itirdi"

"11 bank bağlandı, 4200 nəfər iş yerini itirdi"

"11 bank bağlandı, 4200 nəfər iş yerini itirdi"

"Azərbaycanın bank sektoru çətin vaxtlar yaşayır".

VTB-də minimal faiz dərəcəsi ilə nağd kredit 10.49%-dən

Bunu "Şəffaflığa doğru birlikdə" mövzusunda keçirilən vergi konfransında çıxış edən "Rabitəbank" ASC-nin İdarə Heyətinin sədri Elçin Qədimov deyib.

E.Qədimovun sözlərinə görə, 11 bankın bağlanması nəticəsində 4 200 nəfər bank əməkdaşı iş yerini itirib: "Bazar faizi anlayışının tətbiq edilməsi kredit faizlərinə təsir edir. Biz təklif edirik ki, ya bu, tətbiq edilməsin, ya da həmin bank üzrə son 30 gündə verilən kreditlərə görə bazar faizi anlayışı tərbiq edilsin".

"Rabitəbank" sədri təklif edib ki, kommersiya banklarının SWIFT, "Visa" və "Mastercard" təşkilatlarından aldığı xidmətlər ƏDV-dən azad edilsin.

Onun sözlərinə görə, devalvasiya nəticəsində sahibkarların və əhalinin ödəniş qabiliyyəti zəifləyib.

Sədr banklarda səyyar yoxlamalar zamanı bazar qiymətləri məsələsinə də toxunub:

"Banklarda oxşar mal və xidmətlərə görə təqdim olunan bazar qiymətləri ilə bağlı daim Vergilər Nazirliyi əməkdaşları ilə problemlər yaranır. Çünki banklar tərəfindən müxtəlif strategiyalar tətbiq olunur. Bununla bağlı təklifimiz ondan ibarətdir ki, kredit faizlərinə bazar qiyməti prinsipi ya ümumiyyətlə tətbiq olunmasın və yaxud tətbiq olunarkən eyni bankda olan kreditlər üzrə, yəni son 30 gündə verilən kreditlər üzrə bazar faizi anlayışı tətbiq edilsin. Restrukturizasiya olunan kreditlərlə də bağlı təklifimiz oxşardır. Təklif edirik ki, restrukturizasiya olunan kreditlərlə bağlı bazar qiyməti ümumiyyətlə tətbiq olunmasın. Olunarsa, yalnız restrukturizasiya olunmuş kreditlər əsasında bazar qiymətinin müəyyən olunması və hesablanması həyata keçirilsin".

10.03.2017 10:59