Sumqayıt Texnologiyalar Parkı “MosBuild 2019” sərgisində iştirak edib

Sumqayıt Texnologiyalar Parkı “MosBuild 2019” sərgisində iştirak edib

Sumqayıt Texnologiyalar Parkı “MosBuild 2019” sərgisində iştirak edib

Bu günlərdə Sumqayıt Texnologiyalar Parkı (STP) Rusiyanın paytaxtında keçirilən “MosBuild 2019” sərgisində iştirak edir.

VTB-də yüksək depozit faizləri daha çox qazandırır

STP-dən "Marja"ya daxil olmuş məlumata görə, əsas məqsəd “Made in Azerbaijan” brendini təmsil etmək və Rusiya bazarında yeni müştərilər cəlb etməkdir.

Sayca 25-inci olan builki Beynəlxalq Sərgi Rusiyanın ən çox iştirakçı və ziyarətçi cəlb edən tikinti və inşaat sərgisi hesab olunur. Belə ki, Moskvanın “Crocus Expo” kompleksində təşkil olunan tədbirdə ümumilikdə 1200 iştirakçı öz məhsullarını nümayiş etdirir. Məlumat üçün bildirək ki, ötən il 65 mindən çox insan sərgini ziyarət etmişdi.

Sərgidə “Made in Azerbaijan” brendinin layiqli təmsilçisi olaraq Texnopark bu brend altında istehsal etdiyi müxtəlif çeşidli məhsullarını nümayiş etdirməkdədir. Sərgilənən kabellər, elektrik yuvaları, elektrik panelləri, plastik borular, fitinqlər və digər məhsullar müştərilərin bütün tələblərinə cavab verir. Belə ki, tədbir çərçivəsində STP əməkdaşları artıq bir sıra potensial müştərilərlə görüşlər keçirib, məhsulların ixracına və digər əməkdaşlıq imkanlarına dair müzakirələr aparıblar.

Sumqayıt Texnologiyalar Parkının bu sərgidə iştirakı İqtisadiyyat Nazirliyinin dəstəyi, o cümlədən Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə reallaşıb.

AŞAĞI FAİZLƏ TƏCİLİ PUL KREDİTİ

Qeyd edək ki, Sumqayıt Texnologiyalar Parkı müxtəlif istehsalat sahələri üzrə ixtisaslaşmış nəhəng zavodlar kompleksidir. Texnopark neft-qaz, enerji, kənd təsərrüfatı sahələri ilə yanaşı tikinti sektoruna da geniş çeşiddə məhsul və xidmətlər təklif etməkdədir. STP 22 dekabr 2009-cu ildə dövlət başçısı İlham Əliyev tərəfindən istismara verilib. Hazırda müəssisədə mövcud olan 13 zavodda 30-dan çox istehsal sahəsi fəaliyyət göstərir.

05.04.2019 15:57

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az