"Tarixi vergi islahatı hazırlayırıq, şirkətlərimiz uğurlu ola biləcəklər"

ABŞ Prezidenti Donald Trump, Konqresin iclasında etdiyi ilk çıxışında "Öncə Amerika" vurğusunu önə çıxarıb.

 
"Marja" xəbər verir ki, Trump, "Bu gün Amerikan ruhunun yenidən ortaya çıxdığına şahidlik edirik" - deyib və "Müttəfiqlərimiz Amerikanın bir daha liderlik etməyə haızr olduğunu görəcək. Dünyanın bütün ölkələri - dost, ya da düşmən - Amerikanın güclü olduğunu, Amerikanın qürurlu olduğunu və Amerikanın azad olduğunu görəcək" deyib.
 

Çıxışında iqtisadiyyata dair bəyanatlar verən Trump, "İqtisadi  komandam, şirkətlərimizə tətbiq olunan vergi nisbətini salacaq tarixi bir vergi islahatı hazırlayır. Beləliklə, şirkətlərimiz, hər yerdə və hər kəslə rəqabət apara və uğurlu ola biləcəklər" deyib.

Trump-ın çıxışındn sonra Dollar güclənməkdə davam edib.

ABŞ-ın yeni prezidentinin bugünkü nitqində çox az yeni təkliflər verib və Trump, "Obamacare" olaraq adlandırılan səhiyyə islahatının dəyişdirilməsi, orta təbəqəyə dəstəyi də ehtiva edən vergi islahatı, 1 trilyon dollarlıq infrastruktur xərcləri və müdafiə xərclərində geniş miqyaslı artımı, o cümlədən planlarının xərclərinin necə qarşılanacağına dair məlumat verməyib.

Trump, Meksika sərhədinə "Böyük, böyük bir divar" inşa edilməsi çağırışını bir daha təkrar edib.

 
 ABŞ Prezidenti, miqrasiyanı "ləyaqətə söykənən bir sistemə" çevirmək istədiyini bildirib.

 
 
 Trump, "Eyni zamanda, orta sinif üçün vergi güzəştləri tətbiq edəcəyik" - deyə bildirib.

 
 ABŞ Prezidenti, "Hazırda məhsullarımızı Amerika xaricinə çıxarsaq, çox sayda ölkə bu məhsullara yüksək gömrük tarifi və vergi tətbiq edir. Ancaq xarici firmalar məhsullarını Amerikaya gətirəndə, biz demək olar ki, heç bir şey görmürük" deyib.

 
 Trump, bunun dəyişməsini istəyəcəklərini vurğulayıb.

 
 Trump, "Azad ticarətə güclü bir şəkildə inanıram, ancaq bu ədalətli ticarət olmalıdır" deyə bildirib.

 
 Səhiyyə islahatı mövzusunda da danışan Trump, "Obamacare" kimi tanınan mövcud səhiyyə sisteminin dəyişdirilməsinin lazım olduğunu söyləyib. Trump, Konqresdən ölkəni "Obamacare fəlakətindən" qorumağı istəyib.

 Terrorla mübarizə məsələsinə də toxunan ABŞ Prezidenti Trump, "Bu alçaq düşməni (terror təşkilatı İŞİD) yer üzündən təmizləmək üçün İslam dünyasındakı dostlarımız və müttəfiqlərimiz də daxil bütün müttəfiqlərimizlə birlikdə çalışacağıq" deyib.

 
Trump, ABŞ yolları, körpüləri, limanları, hava limanları və digər dövlət işləri üçün 1 trilyon dollara qədər infrastruktur xərcləri çəkiləcəyini bildirmiş və müşavirləri proqramın özəl sektor maliyyələşməsinə söykənəcəyini söyləmişdi. ABŞ Prezidenti bu sözünü çıxışında təkrarlayıb, ancaq təfərrüat verməyib.