“Qala Sığorta” şirkəti 2018-ci ili uğurla başa vurub - HESABAT

“Qala Sığorta” şirkəti 2018-ci ili uğurla başa vurub - HESABAT

“Qala Sığorta” şirkəti 2018-ci ili uğurla başa vurub - HESABAT

(®) Azərbaycan sığorta bazarının aparıcı şirkətlərindən olan “Qala Sığorta” 2018-ci ilin yekunları ilə bağlı əsas maliyyə göstəricilərini açıqlayıb.

Şirkətin İctimaiyyətlə Əlaqələr Xidmətindən "Marja"ya verilən məlumata görə, operativ məlumatlar əsasında hazırlanmış hesabata əsasən ötən il ərzində “Qala Sığorta” şirkəti tərəfindən 16 557 412 manat həcmində sığorta haqqı toplanılıb ki, bu da 2017-ci illə müqayisədə 5 646 068 manat və ya 51,7% çox olub.

Hesabat dövründə yığımlarla yanaşı ödənişlərdə də kəskin artım müşahidə olunub. Belə ki, 2018-ci il ərzində şirkət tərəfindən müxtəlif sığorta hadisələri üzrə 1 929 667 manat sığorta ödənişi verilib. 2017-ci ilin yekununda isə bu göstərici 423 725 manat olub. Nəticədə, illik müqayisədə sığorta ödənişlərinin həcmi 1 505 941 manat və ya 4,6 dəfə artım olub.

Qeyd edək ki, verilən sığorta ödənişləri müvafiq qanunvericiliyin tələbinə uyğun olaraq operativ və vaxtında həyata keçirilib. Ümumiyyətlə, göstərilən xidmətlərdə şirkətin biznes strategiyasına əsaslanan müştəri məmnuniyyəti meyarı hər zaman yüksək dəyərləndirilərək pririotet hədəflər sırasında yer alır.

Xatırladaq ki, bazarda geniş çeşidli məhsulları ilə tanınan “Qala Sığorta” şirkəti 20 illik fəaliyyət tarixinə malikdir. Şirkət rebrendiq edərək 2015-ci ildən “Qala Sığorta” brendi altında yeni strategiya ilə fəaliyyətə başlayıb. Şirkətin yeganə səhmdarı “AzRe Təkrarsığorta” ASC-dir.

Şirkət müştərilərinə baş ofis, 1 filial və 9 regional nümayəndəlik vasitəsi ilə qanunvericiliklə nəzərdə tutulan qeyri-həyat sığorta sahəsinin 23 növü üzrə, o cümlədən 19 könüllü və 4 icbari sığorta məhsulları üzrə xidmətlər göstərir.

28.01.2019 13:24

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az