Palata lisenziyalar ləğv etdi

Palata lisenziyalar ləğv etdi

Maliyyə Bazarlarına Nəzarət Palatasının (Palata) İdarə Heyətinin qərarı ilə Ağalarov Mircamal Hüseyn oğluna sığorta agenti fəaliyyətinə lisenziya verilib, 4 fiziki şəxsin sığorta agenti fəaliyyətinə verilmiş lisenziyasının qüvvəsi 3 ay müddətinə dayandırılıb və 8 fiziki şəxsin sığorta agenti fəaliyyətinə verilmiş lisenziyası məcburi qaydada ləğv edilib.

Palatadan verilən məlumata görə, “Sığorta fəaliyyəti haqqında” Azərbaycan Respublikasının Qanununun (Qanun) 86.1-ci maddəsinə və Palatanın Nizamnaməsinin 4.10.5-ci yarımbəndinə əsasən Palatanın İdarə Heyətinin 26 dekabr 2018-ci il tarixli qərarı ilə attestasiyadan müvəffəqiyyətlə keçən Ağalarov Mircamal Hüseyn oğluna sığorta agenti fəaliyyətinə müddətsiz lisenziya verilib.

İdarə Heyətinin eyni qərarı ilə 2018-ci ilin 3-cü rübü üzrə maliyyə bazarlarına nəzarət orqanına müəyyən olunmuş formada hesabatın təqdim edilməməsi ilə bağlı qanunun 106.1.10-cu maddəsinə və Palatanın Nizamnaməsinin 4.10.5-ci yarımbəndinə müvafiq olaraq 4 fiziki şəxsin (siyahı əlavə olunur) sığorta agenti fəaliyyətinə verilmiş lisenziyasının qüvvəsi 3 ay müddətinə dayandırılıb.

Fəaliyyətləri barədə rüblük hesabatları təqdim etməyən və bu səbəbdən lisenziyalarının qüvvəsi dayandırılmış şəxslər tərəfindən lisenziyanın qüvvəsinin dayandırılmasına əsas verən halların aradan qaldırılmaması ilə əlaqədar qanunun 107.1.2-ci maddəsinə və Palatanın Nizamnaməsinin 4.10.5-ci yarımbəndinə müvafiq olaraq 7 fiziki şəxsin sığorta agenti fəaliyyətinə verilmiş lisenziyaları İdarə Heyətinin qərarı ilə ləğv edilib.

Əzizov Bayram Əli-Əkpər oğlunun fəaliyyəti dövründə əldə etdiyi sığorta sirri hesab edilən məlumatların digər şəxslərə açıqlaması ilə əlaqədar qanunun 107.1.7-ci maddəsinə və Palatanın Nizamnaməsinin 4.10.5-ci yarımbəndinə müvafiq olaraq Əzizov Bayram Əli-Əkpər oğluna sığorta agenti fəaliyyətinə verilmiş 12 mart 2013-cü il tarixli 000894 nömrəli lisenziya İdarə Heyətinin qərarı ilə ləğv edilib.

28.12.2018 11:01

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az