Həyat sığortası 73%, qeyri-həyat sığortası isə 17% artıb

Bu ilin yanvar-sentyabr aylarında Azərbaycanda həyat sığortası növlərinin hesabına 263,016 milyon manat sığorta haqqı toplanılıb.

Maliyyə Bazarlarına Nəzarət Palatasına görə, bu, ötən ilin yanvar-sentyabr ayları ilə müqayisədə 72,8% çoxdur.

9 ay ərzində qeyri-həyat sığortası növlərinin hesabına daxilolmalar isə 305,523 milyon manat təşkil edib. Bu isə illik müqayisədə 16,55% çoxdur.

Hesabat dövründə həyat sığortası növləri üzrə ödənişlər 9,2% azalaraq 82,903 milyon manata düşüb, qeyri-həyat sığortası növləri üzrə ödənişlər isə 6,9% artaraq 104,008 milyon manata çatıb.

Beləliklə, 2018-ci ilin yanvar-sentyabrında həyat sığortası bazarında toplanmış hər 100 manat sığorta haqqının 31,5 manatı, qeyri-həyat sığortası bazarında toplanmış hər 100 manat sığorta haqqının isə 34 manatı müştərilərə geri ödənilib. Bu rəqəmlər 2017-cı ilin yanvar-sentyabrında müvafiq olaraq 60 manat və 37,1 manat olub. 

Könüllü sığorta 47%, icbari sığorta isə 16% artıb

Bu ilin yanvar-sentyabr aylarında Azərbaycanda könüllü sığorta növlərinin hesabına 414,945 milyon manat sığorta haqqı toplanılıb.Bu, ötən ilin yanvar-sentyabr ayları ilə müqayisədə 47,3% çoxdur.

9 ay ərzində icbari sığorta növləri hesabına daxilolmaların məbləği isə 15,7% artaraq 153,594 milyon manat olub.

Hesabat dövründə könüllü sığorta növləri isə ödənişlərin məbləği 137,32 milyon manat təşkil edib ki, bu da illik müqayisədə 7% azdır. Ötən 9 ayda icbari sığorta növləri üzrə ödənişlərin məbləği isə 21,4% artaraq 49,592 milyon manata çatıb.

Beləliklə, 2018-ci ilin yanvar-sentyabrında könüllü sığorta bazarından toplanmış hər 100 manat sığorta haqqının 37 manatı qədər ödəniş edilib. Bu rəqəm 2017-ci ilin yanvar-sentyabrında 52,45 manat olub. Son 1 ildə icbari sığorta bazarında hər 100 manat sığorta haqqına düşən ödənişin məbləği isə 30,8 manatdan 32,3 manata qalxıb.

SEMİNARA QATIL, ÖZÜNƏ YATIRIM ET

© Renkinq