İranın Bakıdakı bankı qazancını açıqladı

İranın Bakıdakı bankı qazancını açıqladı

İranın Bakıdakı bankı qazancını açıqladı

"Bank Melli İran" Bakı filialı 2018-ci ilin 9 ayını 1 milyon 800 min manat xalis mənfəətlə başa vurub. Müqayisə üçün qeyd edək ki, filial ötən ilin eyni dövründə 1 milyon 336 min manat xalis mənfəət əldə etmişdi. Beləliklə, Bankın xalis mənfəəti 35% artıb.

“Marja” Bankın maliyyə hesabatına istinadən xəbər verir ki, cari ilin yanvar-sentyabr dövründə "Bank Melli İran" Bakı filialının faiz gəlirləri 2 milyon 164 min manat, haqq və komissiya gəlirləri gəlirləri 221 min 215 manat, xarici valyuta əməliyyatları üzrə gəlirlər isə 275 min manat təşkil edib.

2017-ci ilin 9 ayı ərzində Bankın faiz gəlirləri 2 milyon 263 min manat, haqq və komissiya gəlirləri 150 min 552 manat, xarici valyuta əməliyyatları üzrə gəlirlər isə 142 min manat təşkil etmişdi.

Cari ilin 9 ayında ehtimal olunan kredit və depozit itkiləri üçün yaradılmış ehtiyatın 319 min 106 manatı azad olub. Ötən ilin eyni dövründə bu məbləğ 42 min 791 manat təşkil etmişdi.

Bütün xərclər çıxıldıqdan sonra Bankın 1 milyon 800 min manat xalis mənfəəti qalıb. Filialın xalis mənfəətindəki artım, xarici valyuta əməliyyatları üzrə, haqq və komissiya gəlirlərinin artması, xərclərin azaldılması, eyni zamanda azad olunmuş ehtiyatın gəlirə əlavə edilməsindən qaynaqlanır.

MÜŞTƏRİLƏRƏ VERİLMİŞ KREDİTLƏR ARTIB

Bankın müştərilərə verdiyi kreditlər ötən ilin eyni dövrü ilə müqayisədə 4,2% artaraq 30 Sentyabr 2018-ci il tarixində 3 milyon 497 min manata çatıb. 30 Sentyabr 2017-ci il tarixində Bankın müştərilərə verdiyi cəmi kreditlər 3 milyon 355 min manat təşkil etmişdi.

Müqayisə olunan dövrdə Bankın qiymətli kağızlara investisiyaları 18 milyon 204 min manatdan 22 milyon 581 min manata qalxıb.

08.10.2018 08:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az