Bankir: “Bazara məzənnənin sabitliyi lazımdır”

Bankir: “Bazara məzənnənin sabitliyi lazımdır”

Bankir: “Bazara məzənnənin sabitliyi lazımdır”

“Bu gün bazara ABŞ dollarının Azərbaycan manatına qarşı məzənnəsinin necə olmasından daha çox onun sabitləşməsi, bəlli bir dəhliz çərçivəsində dəyişməsi lazımdır”.

Bunu jurnalistlərə açıqlamasında “Unibank” ASC-nin İdarə Heyətinin sədri Faiq Hüseynov deyib.

Onun sözlərinə görə, Azərbaycan iqtisadiyyatı hələ uzun müddət idxaldan, dolayısı ilə xarici valyutanın məzənnəsindən asılı olacaq. Odur ki, iqtisadi sabitlik üçün məzənnənin sabitləşməsi vacibdir: “Dəhliz bəlli olmalıdır və bunu investor bilməlidir. Gələcəkdə də Azərbaycanda idxalın payı yüksək olacaq. Yəni, biz xarici valyuta ilə bağlıyıq”.

Vergi Məcəlləsinə dəyişikliklərdə korreksiya tələb edən məsələlər var

“Bu ilin əvvəlindən qüvvəyə minmiş Vergi Məcəlləsinə dəyişikliklər iqtisadiyyat üçün müsbətdir, iqtisadi inkişafa təkan verəcək, bankların aktivlərini artıracaq”, - Faiq Hüseynov deyib.

Bununla belə, onun sözlərinə görə, bəzi dəyişikliklərdə aydın olmayan məqamlar var: “Məncə, bu dəyişikliklər əvvəlcədən maraqlı tərəflərlə, banklarla, biznes strukturları ilə müzakirə edilməli idi. Çünki korreksiya tələb edən məsələlər var”.

F.Hüseynov dəyişikliklərdə nəzərdə tutulmuş kreditlərin nağdsız formada verilməsi ilə bağlı məqamın bank sektoruna müsbət təsir edəcəyini də vurğulayıb: “Bu, manat kütləsinin həcmini artıracaq, həm depozit, həm də kredit faizlərinin aşağı düşməsinə səbəb olacaq. Bildiyiniz kimi, hazırda manatla verilən kreditlərin illik faiz dərəcəsi 30% ətrafındadır. Bu cür faizlərlə isə biznes özünü doğrulda bilməz. Çünki, o qədər rentabellilik yoxdur”.

14.02.2017 08:02

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az