Konüllü sığortada ödənişlər azalıb

Konüllü sığortada ödənişlər azalıb

Bu ilin yanvar-iyul aylarında Azərbaycanda könüllü sığorta növlərinin hesabına 334,478 milyon manat sığorta haqqı toplanılıb.

VTB-də yüksək depozit faizləri daha çox qazandırır

Maliyyə Bazarlarına Nəzarət Palatasının statistikasına görə, bu, ötən ilin yanvar-iyul ayları ilə müqayisədə 49,7% çoxdur.

7 ay ərzində icbari sığorta növləri hesabına daxilolmaların məbləği isə 26,2% artaraq 125,374 milyon manat olub.

Hesabat dövründə könüllü sığorta növləri isə ödənişlərin məbləği 107,51 milyon manat təşkil edib ki, bu da illik müqayisədə 5,1% azdır. Ötən 7 ayda icbari sığorta növləri üzrə ödənişlərin məbləği isə 25,1% artaraq 38,395 milyon manata çatıb.

Beləliklə, 2018-ci ilin yanvar-iyulunda könüllü sığorta bazarından toplanmış hər 100 manat sığorta haqqının 32,15 manatı qədər ödəniş edilib. Bu rəqəm 2017-ci ilin yanvar-iyulunda 50,7 manat olub. Son 1 ildə icbari sığorta bazarında hər 100 manat sığorta haqqına düşən ödənişin məbləği isə 30,9 manatdan 30,6 manata düşüb.

Həyat sığortası 77%, qeyri-həyat sığortası isə 22% artıb

Bu ilin yanvar-iyul aylarında Azərbaycanda həyat sığortası növlərinin hesabına 208,946 milyon manat sığorta haqqı toplanılıb. Bu, ötən ilin yanvar-iyul ayları ilə müqayisədə 77,2% çoxdur.

7 ay ərzində qeyri-həyat sığortası növlərinin hesabına daxilolmalar isə 250,905 milyon manat təşkil edib. Bu isə illik müqayisədə 22,4% çoxdur.

Hesabat dövründə həyat sığortası növləri üzrə ödənişlər 8,6% azalaraq 64,688 milyon manata düşüb, qeyri-həyat sığortası növləri üzrə ödənişlər isə 10,9% artaraq 81,217 milyon manata çatıb.

Beləliklə, 2018-ci ilin yanvar-iyulunda həyat sığortası bazarında toplanmış hər 100 manat sığorta haqqının 31 manatı, qeyri-həyat sığortası bazarında toplanmış hər 100 manat sığorta haqqının isə 32,4 manatı müştərilərə geri ödənilib. Bu rəqəmlər 2017-cı ilin yanvar-iyulunda müvafiq olaraq 60 manat və 35,75 manat olub.

PULSUZ DEMO HESABI İLƏ FOREX-İ RİSKSİZ ÖYRƏNİN!

29.08.2018 06:45

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az