Sığortada pulların 90%-ə yaxını 8 şirkətin kassasına axır

Sığortada pulların 90%-ə yaxını 8 şirkətin kassasına axır

Sığortada pulların 90%-ə yaxını 8 şirkətin kassasına axır

“PAŞA Həyat Sığorta” şirkəti 2018-ci ilin I yarısında sığorta haqlarının yığımına görə Azərbaycanda fəaliyyət göstərən sığorta şirkətləri arasında lider olub.

VTB-də yüksək depozit faizləri daha çox qazandırır

Bu barədə Maliyyə Bazarlarına Nəzarət Palatasının (MBNP) məlumatında deyilir.

Hesabat dövründə “PAŞA Həyat Sığorta” 144 mln. 614 min manat və ya yanvar-iyun aylarında bütün sığorta şirkətlərinin əldə etdiyi sığorta haqlarının 36,5%-i həcmində sığorta haqqı toplayıb.

“PAŞA Həyat Sığorta” həyat sığortası seqmentində əldə edilmiş sığorta haqlarının həcminə görə də lider olub. İkinci yerdə "Atəşgah Həyat" (28 mln. 165,7 min manat), üçüncü yerdə "Qala Həyat Sığorta" (7 mln. 452,6 min manat) qərarlaşıb.

Cari ilin yanvar-iyun aylarında qeyri-həyat sığortası seqmentində "PAŞA Sığorta" şirkəti sığorta haqlarının yığım həcminə (83 mln. 362,8 min manat) görə lider olub.

Hesabat dövründə bu seqmentdə toplanmış sığorta haqlarının həcminə görə aparıcı sığorta şirkətlərinin beşliyinə "Azərsığorta" (34 mln. 912,4 min manat), "Atəşgah" (19 mln. 698,6 min manat), “Meqa Sığorta” (15 mln. 23,4 min manat) və "AtaSığorta” (10 mln. 355,5 min manat) daxil olub.

Hesabat dövründə sığortaçıların bütün sığorta haqlarının 86,7%-i və ya 343 mln. 585 min manat bu 8 şirkətin payına düşüb.

I yarımillikdə sığorta şirkətləri arasında ən çox ödəniş “PAŞA Həyat Sığorta” şirkəti tərəfindən həyata keçirilib. Şirkətin ödənişlərinin həcmi 31 mln. 646,6 min manat və ya sığortaçıların bütün ödənişlərinin 26,5%-ni təşkil edib.

“PAŞA Həyat Sığorta” şirkəti həyat sığortası seqmentində ödənişlərin həcminə (17 mln. 926,6 min manat) görə də lider olub. Bu seqmentdə ödənişlərin həcminə görə ikinci yerdə "Atəşgah Həyat" (9 mln. 658,3 min manat), üçüncü yerdə "Qala Həyat Sığorta" (9 mln. 439,6 min manat) qərarlaşıb.

“PAŞA Sığorta” şirkəti qeyri-həyat sığortası seqmentində də ödənişlər üzrə lider olub (25 mln. 459,7 min manat).

Hesabat dövründə bu seqmentdə həyata keçirilən ödənişlərin həcminə görə aparıcı sığorta şirkətlərinin beşliyinə "Atəşgah" (9 mln. 658,3 min manat), "Azərsığorta" (7 mln. 853,1 min manat), “AXA-Mbask” (4 mln. 689,4 min manat) və “AzSığorta” (4 mln. 175,5 min manat) daxil olub.

Hesabat dövründə sığortaçıların bütün ödənişlərinin 86,1%-i və ya 102 mln. 680,9 min manat bu 8 şirkətin payına düşüb.

2018-ci il iyul ayının sonuna bazarda fəaliyyət göstərən 21 şirkət sığorta fəaliyyəti ilə məşğul olmaq lisenziyaya malikdir.

2018-ci ilin yanvar-iyun ayları üzrə hesablanmış sığorta haqları və sığorta ödənişləri haqqında M Ə L U M A T (təcili məlumatlar əsasında)
			(min manatla)
№	Sığortaçının adı	Sığorta Haqları	Sığorta Ödənişləri
1	“Amrah Sığorta” ASC	145,9	27,2
2	“A-Qroup Sığorta Şirkəti” ASC	3 307,0	3 614,5
3	“AtaSığorta” ASC	10 355,5	3 960,6
4	“Atəşgah Həyat” Sığorta Şirkəti ASC	28 165,7	9 658,3
5	“Atəşgah” Sığorta Şirkəti ASC	19 698,6	9 758,7
6	“AXA MBASK” Sığorta Şirkəti ASC	9 654,8	4 689,4
7	Azərbaycan Respublikası Dövlət Sığorta Kommersiya Şirkəti	34 912,4	7 853,1
8	“Azərbaycan Sənaye Sığorta” ASC	3 998,2	992,2
9	“AZSIĞORTA” ASC	8 740,7	4 175,5
10	“Bakı Sığorta” ASC	486,4	135,0
11	“Günay Sığorta” ASC	3 332,2	1 563,0
12	“İpək Yolu Sığorta” ASC	7 721,3	914,4
13	“Meqa Sığorta” ASC	15 023,4	1 506,8
14	"Naxçıvansığorta" ASC	127,5	3,3
15	“Paşa Həyat Sığorta” ASC	144 614,0	31 646,6
16	“Paşa Sığorta” ASC	83 362,8	25 459,7
17	“Qala Həyat” Sığorta Şirkəti ASC	7 452,6	9 439,6
18	“Qala Sığorta” ASC	7 435,0	687,5
19	“Rəvan Sığorta” ASC	686,5	150,7
20	“Standard Insurance” ASC	3 868,2	1 607,1
21	“Xalq Sığorta” ASC	3 282,6	1 460,2
YEKUN		396 371,32	119 303,42