1 km yük daşımasından 5 qəpik qazanır

1 km yük daşımasından 5 qəpik qazanır

“Azərbaycan Dəmir Yolları”nın bəzi xərcləri kəskin artıb

VTB-də minimal faiz dərəcəsi ilə nağd kredit 10.49%-dən

Hər qatarın 1 km yük daşıması 22,35 manata, sərnişin daşıması isə 35,27 manata başa gəlir

“Azərbaycan Dəmir Yolları” QSC-nin (ADY) yük və sərnişin daşınması üzrə bəzi xərcləri kəskin artıb.

Bu barədə quruma istinadən xəbər verilir.

Məlumata görə, 2017-ci ildə səhmdar cəmiyyət ona məxsus qatarların 1 km yük daşımasından 2016-cı ildə olduğu kimi orta hesabla 0,05 manat gəlir əldə edib, əvəzində 0,02 manat xərc çəkib. Yəni göstəricilər dəyişməyib.

Bununla belə, hər qatarın 1 km yük daşıma xərci 10,3% artaraq 22,35 manata, hər vaqonun 1 km yük daşıma xərci isə 14,3% artaraq 0,08 manata çatıb.

Sərnişindaşımaya gəlincə isə, ADY ona məxsus qatarların 1 km sərnişin daşımasından əldə etdiyi gəlirin və çəkdiyi xərcin orta məbləğini açıqlamayıb. Yalnız o məlumdur ki, ötən il hər qatarla 1 km sərnişin daşımaq quruma əvvəlki illə müqayisədə 2,4 dəfə baha – 35,27 manata başa gəlib. Bu göstərici oturacaq üzrə isə 2,75 dəfə artaraq 0,11 manat təşkil edib.

Ayrı-ayrı qatar növlərinə gəlincə isə, hər elektrik qatarı (qısa qatar) ilə 1 km sərnişin daşımanın xərci 2,1 dəfə artaraq 129,63 manat, hər sərnişin qatarı (uzun qatar) ilə 1 km sərnişin daşımanın xərci isə 2 dəfə artaraq 32,98 manat olub.

Bundan başqa, 2017-ci ildə ADY-nin yük daşıma xərclərində enerji xərclərinin payı 19%-dən 22%-ə yüksəlib, sərnişin daşıma xərclərində isə 38%-dən 28%-ə düşüb.

1 GÜNƏ KREDİT ALIN!

Ötən il səhmdar cəmiyyət dəmir yolu infrastrukturunun 1 km-nə 26 760 manat xərc pul qoyub ki, bu da əvvəlki ilə nisbətən 27,6% çoxdur. 2017-ci ildə hər lokomotivin 1 km hərəkət etməsinin xərci isə 13,85% azalaraq 5,6 manata düşüb.

Lokomotiv parkından söz düşmüşkən, ötən il bu sahədə nasazlıq hallarının sayı 3,1 dəfə azalaraq 429 olub.

10.05.2018 15:16