“PAŞA Həyat”ın qazancı artıb - 2017-NİN NƏTİCƏLƏRİNİ AÇIQLADI

“PAŞA Həyat”ın qazancı artıb - 2017-NİN NƏTİCƏLƏRİNİ AÇIQLADI

“PAŞA Həyat”ın qazancı artıb - 2017-NİN NƏTİCƏLƏRİNİ AÇIQLADI

Ölkənin ən iri həyat sığorta şirkəti olan “PAŞA Həyat” ASC 2017-ci ilin audit olunmuş, MHBS-ya uyğun hazırlanmış maliyyə hesabatlarını ictimaiyyətə açıqlayıb.

VTB-də yüksək depozit faizləri daha çox qazandırır

Şirkətin Baş Maliyyə İnzibatçısı Dilarə Babayevanın sözlərinə görə, “PAŞA Həyat” –ın hesabat ilindəki xalis mənfəəti 17.33 mln. AZN (2016-cı ilin nəticələri ilə müqayisədə 36,5% artım) təşkil etmişdir.

O cümlədən, 31 dekabr 2017-ci il tarixə olan hesabatına əsasən məcmu aktivlərin həcmi 218.23 mln AZN təşkil etmişdir. Bu göstəriciyə görə hazırda Azərbaycanın ən iri sığorta şirkəti statusuna yiyələnən “PAŞA Həyat” aktivlərinin həcmini son 1 il ərzində 40%-dən çox artırmışdır.

Hesabata əsasən 2017-ci ilin sonuna şirkətin məcmu kapitalı 58.19 mln. AZN (+7,5%), məcmu öhdəlikləri 160.04 mln. AZN (+58%) təşkil etmişdir.

Ötən il ərzində şirkət 151.12 mln. AZN xalis sığorta premiyası toplamaqla bu göstəricini 2016-cı illə müqayisədə 2 dəfə üstələmişdir. Eyni zamanda, bu dövr ərzində “PAŞA Həyat” ASC tərəfindən müştərilərə 58 mln. AZN sığorta ödənişi edilməklə daha bir tarixi rekorda imza atılmışdır.

Şirkətin 2017-ci ilin nəticələrinə dair Maliyyə hesabatının tam versiyası ilə www.pasha-life.az saytında tanış ola bilərsiniz.

“PAŞA Həyat” şirkəti 2011-ci ilin fevral ayından fəaliyyət göstərir. 31 dekabr 2017-ci il tarixinə şirkətin Nizamnamə kapitalı 40,250 mln. AZN təşkil etmişdir. Şirkət müştərilərə müxtəlif həyat sığortası məhsulları, o cümlədən “Həyatın müddətli sığortası”, “İstehsalatda bədbəxt hadisələrdən icbari sığorta”, “Yığım tərkibli yaşam sığortası”, “Ailəmin PAŞA Güvənliyi” və digər adlı fərdi və korporativ həyat sığortası məhsullarını təklif edir.

19.03.2018 10:23

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az