Pulsuz sərnişindaşıma planı

Avropa ölkələri hava çirkliliyinin artması səbəbindən dizel avtomobillərin satışını növbəti illərdə qadağan etmək qərarı vermişlər. "Marja" xəbər verir ki, Almaniya pulsuz sərnişindaşıma planı ilə bir addım önə keçməyə hazırlaşır.

VTB-də yüksək depozit faizləri daha çox qazandırır

5 pilot şəhərdə həyata keçiriləcək plan Avropa Birliyi Komissiyasına da göndərilib. Uğurlu olunduğu təqdirdə pulsuz sərnişindaşıma fikri bütün Avropa Birliyi ölkələrinə yayıla bilər.

Almaniya mediasında çıxan xəbərlərə görə, ölkədə hava çirklənməsinin ən yüksək olduğu 5 rayonda pilot olaraq pulsuz sərnişindaşıma layihəsinin həyata keçirilməsi düşünülür.

Bu plan ilə yollarda avtomobil sayının və havadakı zəhərli maddələrin azaldılacağı güman edilir.

Almaniya hökumətinin sözçüsü Steffen Seibert, hava çirklənməsinin azaldılmasına dair təklifləri də ehtiva edən bir məktubun Avropa Birliyi Komissiyasına təqdim edildiyini bildirib.

5 ŞƏHƏR BƏLLİ OLUB

Pulsuz sərnişindaşıma fikrinin ilk mərhələdə Bonn, Essen, Reutlingen, Mannheim və Ştutqartın cənubundakı Herrenberg bölgəsində tətbiq edilməsi düşünülür.

Təklifdə, elektrikli taksilərin sayının və ümumiyyətlə, elektrikli vasitələrə qarşı stimulların artırılması da var.

Almaniyadakı bələdiyyələrə də göndərilən plan ümumilikdə müsbət qarşılansa da, bəzi sualları da yaranır. Biletsiz daşımanı reallığa çevirmək və sərnişin sayındakı artımı qarşılamaq üçün daha çox qatar, avtobus tələb olunacaq; bu avtobuslar ətraf mühit dostu vasitələr olmalıdır (elektrikli); xərclər - önə çıxan mübahisə mövzularıdır.

Alman Nəqliyyat Şirkətləri Assosiasiyasının (VDV) məlumatlarına görə bələdiyyələrin ictimai nəqliyyatından əldə etdiyi bilet gəliri ildə 12 milyard avro ətrafındadır. Planlaşdırılan layihə reallaşarsa bunun vergi ödəyiciləri üzərində böyük bir yük olacağına diqqət çəkilir.

16.02.2018 06:44

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az