Duru bitki yağları istehsalı tənəzzüldə!

Duru bitki yağları istehsalı tənəzzüldə!

Azərbaycanda duru bitki yağları istehsalı azalıb.

“Marja” Dövlət Statistika Komitəsinə istinadən xəbər verir ki, 2018-ci ilin yanvar ayında 3 423,8 ton duru bitki yağları istehsal edlib. Bu, əvvəlki ilin yanvar ayına nisbətən 27,6% azdır. Eyni zamanda istehsal olunmuş məhsulun böyük hissəsi satılmayıb. 01.02.2018-ci il vəziyyətinə hazır məhsul ehtiyatı 2 164,1 ton təşkil edib.

Qeyd edək ki, son vaxtlar xaricdə istehsal olunan duru yağlar bazarda özünə daha çox yer edib.

2018-ci ilin yanvar ayında əvvəlki ilin yanvar ayı ilə müqayisədə tütün məmulatlarının istehsalında 2,8 dəfə artım, qida məhsullarının istehsalında 1,0 faiz, içki istehsalında isə 24,8 faiz azalma müşahidə olunmuşdur.

Bu sahələrin əsas məhsullarından pendir və kəsmik istehsalı 1,0 faiz, kərə yağı istehsalı 2,3 faiz, marqarin istehsalı 3,6 faiz, brendi (konyak) istehsalı 2,7 dəfə, alkoqolsuz içkilərin istehsalı 8,2 faiz artmış, bununla yanaşı kolbasa məmulatlarının istehsalı 0,5 faiz, duru bitki yağlarının istehsalı 27,6 faiz, cem və marmeladların istehsalı 0,8 faiz, qənd istehsalı 84,0 faiz azalmışdır.

Qida məhsullarının, içki və tütün məmulatlarının istehsalı sahələrində əsas məhsul növlərinin istehsalı

Məhsul növləri	2018-ci ilin yanvar ayında istehsal edilmişdir	Əvvəlki ilin yanvar ayına nisbətən,faizlə	01.02.2018-ci il vəziyyətinə hazır məhsul ehtiyatı
Qida məhsulları
Ət (quş əti daxil olmaqla), min ton	26,0	107,0	-
Kolbasa məmulatları, ton	555,2	99,5	3,2
Üzlü süd, min ton	75,9	99,6	-
Qaymaq və xama, ton	395,9	100,2	0
Pendir və kəsmik, ton	4 133,0	101,0	71,5
Kərə yağı, ton	1 996,6	102,3	36,3
Cem və marmeladlar, ton	5 727,7	99,2	1 571,9
Duru bitki yağları, ton	3 423,8	72,4	2 164,1
Marqarin, ton	4 670,1	103,6	958,7
İnsanın qidalanması üçün yararlı olan duz, ton	2,7	50,6	0,6
Qənd və şəkər tozu, min ton	3,9	16,0	8,4
Çörək və çörək-bulka məmulatları (əmtəəlik), min ton	64,8	101,0	-

Məhsul növləri	2018-ci ilin yanvar ayında istehsal edilmişdir	Əvvəlki ilin yanvar ayına nisbətən, faizlə	01.02.2018-ci il vəziyyətinə hazır məhsul ehtiyatı
İçki məhsulları
Şampan şərabı, min dkl	-	-	1,0
Araq, min dkl	36,6	91,2	67,8
Brendi (konyak), min dkl	0,8	2,7 d.	28,4
Üzüm şərabı, min dkl	342,8	59,1	1 243,1
Pivə, min dkl	83,1	115,6	226,9
Likörlər, min dkl	9,1	104,6	71,1
Alkoqolsuz içkilər, min dkl	826,1	108,2	376,5
Tütün məmulatları
Fermentləşdirilmiş tütün, ton	600,7	138,1	-
Papiros və siqaretlər, milyon ədəd	213,6	1,8 d.	1,1

16.02.2018 05:16

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az