Qlobal bazarların səbirsizliklə gözlədiyi qərar açıqlandı.

“Marja” xəbər verir ki, ABŞ Mərkəzi Bankı Fed-in dünən başlamış iclası başa çatıb. Gözlənildiyi kimi, Fed uçot dərəcəsini dəyişməyərək 1.25 - 1.50 faiz aralığında saxlayıb. Fed qərarı yekdilliklə qəbul edib.

Analitiklər də Fed-in faizi qaldırmayacağını gözləyirdilər.

Fed, 12 - 13 Dekabr 2017-ci il tarixində keçirilmiş ötən ilin son toplantısında faizləri 25 bənd artırmışdı.

Fed açıqlamasında qeyd edib ki, bu il inflyasiyanın yüksələcəyi gözlənilir. İnflyasiya orta müddətdə 2% hədəfinə çatacaqdır.

FED-in açıqlamasında əsas başlıqlar.

-ABŞ İQTİSADİYYATI MÜLAYİM BİR SÜRƏTLƏ ARTACAQ,

-ƏMƏK BAZARI GÜCLÜ OLMAĞA DAVAM EDƏCƏK,

 
-İQTİSADİYYAT MƏRHƏLƏLİ ƏLAVƏ FAİZ ARTIMLARINI DƏSTƏKLƏYİR,

-MƏŞĞULLUQ, MAAŞLAR VƏ İNVESTİSİYALAR GÜCLÜ QALMAQDA DAVAM EDİR.

Fed-in qərarından və açıqlamasından sonra Dollar cüzi bahalaşıb. Bakı vaxtı ilə saat 23:15-ə olan məlumata görə, Avro/dollar məzənnəsi 1.24 səviyyəsindən də aşağı düşərək 1.2396 səviyyəsini görüb. Bir neçə gün öncə məzənnə 1.25 səviyyəsini aşmışdı.

XXX

Fed-in Martda faiz artıracağı ehtimalı  94%-ə yüksəldi
 
 
Fed-in Mart ayında keçirəcəyi pul siyasəti iclasında faiz artıracağı ehtimalı 94%-ə yüksəlib.

 
"Marja" Bloomberg-ə istinbadən xəbər verir ki, Fed-in bu gün toplantısının ardından yayımladığı açıqlama mətnində "dəstəkləyici bir dil" istifadə etməsi, Mart ayında dair faiz artırılacağı gözləntilərini gücləndirib.

 
Açıqlama ərəfəsində sözügedən ehtimal 88 faiz təşkil edirdi.

 
Mütəxəssislər, Fed-in açıqlamada inflyasiyaya dair istifadə ediləcək dilə fokuslanmışdı. Açıqlama mətnində inflyasiyanın bu il yüksəlməsi və orta perspektivdə hədəfə - 2 faiz səviyyəsinə çatmasının gözlənildiyi ifadə edilib.

 
2018-ci ilin Sentyabr ayınadək Fed-in iki dəfə faiz artıracağı ehtimalı 100 faizdir. 

Mart ayında faizin artırılacağı ehtimalı 29 Dekabrda 62 faiz səviyyəsində idi.