Amerika vergi sistemində əhəmiyyətli dəyişikliklər nəzərdə tutan qanun layihəsi, ABŞ Nümayəndələr Palatasında keçirilən yekun səsvermədə qəbul edilib. Dünən layihə Senatdan da keçmişdi. Konqresin hər iki palatasından keçən layihə, ABŞ Prezidenti Donald Trumpın imzalamasının ardından qüvvəyə minəcəkdir.
 
 
"Marja" xəbər verir ki, ABŞ Nümayəndələr Palatası, ölkənin vergi sistemində son 30 ilin ən böyük dəyişikliklərini ehtiva edən "Vergi Güzəştləri və Məşğulluq" qanununu 201-ə qarşı 224 səslə qəbul edib.
 
 
 
Nümayəndələr, dünən keçirilən səsvermədə qəbul etdikləri vergi layihəsini, Senatın "razılaşma" qaydalarını pozan bir neçə maddə olması səbəbindən ikinci dəfə səsverməyə çıxarmaq məcburiyyətində qalmışdı.
 
 
Sözügedən maddələr çıxardıqdan sonra dünən səhərə yaxın ABŞ Senatında keçirilən səsvermədə 48-ə qarşı 51 səslə keçən layihə, ABŞ Prezidenti Donald Trumpın imzası ilə qüvvəyə minəcək.

 
Demokratların həm Senatda, həm də Nümayəndələr Palatasında keçirilən səsvermələrdə tam qarşı çıxdığı layihənin çətin prosesin ardından qəbul edilməsi, Ağ Ev və Respublikaçılar Partiyanın builki ən mühüm uğuru kimi qiymətləndirilir.
 

Layihə çərçivəsində qüvvəyə minəcək vergi güzəştləri, Prezident Trumpın ən əhəmiyyətli seçki vədləri arasında yer alırdı.

İqtisadçılar, vergi sistemində aparılacaq dəyişikliklərin gələcək bir neçə ildə iqtisadi inkişafı yüngül qaldıracağını təxmin edir. Bir sıra iqtisadçılar isə, vergi güzəştlərinin ABŞ-da iqtisadi inkişafın daha da sürətlənməsinə, ABŞ şirkətlərinin xaricdəki pullarını geri gətirmələrinə və nəticədə Dolların güclənməsinə səbəb olacağı bildirilir. 

VERGİ GÜZƏŞTLƏRİ

 
Konqresin iki ayrı palatasında Respublikaçılar tərəfindən razılaşdırılmış yeni layihə, ABŞ şirkətlərinə mənfəət vergisinin 2018-ci ildən etibarən 35%-dən 21%-ə endirilməsini nəzərdə tutur.

 
Layihə, ölkədəki fərdi ödəyicilərə tətbiq olunan vergi dərəcələri baxımından da əhəmiyyətlidir. Beləki, fərdi gəlir vergisi dərəcələri fərqli gəlir qruplarına görə 10, 12, 22, 24, 32, 35 və 37% olmaqla 7 mərhələdə tətbiq ediləcək. Hazırda ABŞ-da mövcud fərdi gəlir vergisi fərqli gəlir qruplarına görə  10, 15, 25, 28, 33, 35 və 39,6% səviyyəsindədir.
 

Vergi qanunu layihəsini araşdıran Konqres Fiskal Birgə Komissiyasına görə, bu dəyişikliklər qarşıdakı 10 ildə federal hökumət gəlirlərini təxminən 1.5 trilyon dollar azaldacaq. Ancaq bu hesablamaya, vergi güzəştlərinin yaradacağı iqtisadi inkişafın nəticələri daxil edilməyib. Layihənin əvvəlki versiyalarının büdcə kəsirini təxminən 1 trilyon dollar artıracağı təxmin edilirdi.

ABŞ Konqresinin Büdcə Ofisinin (CBO) apardığı təhlillərdə, təklif edilən vergi güzəştlərinin federal hökumətin vergi gəlirlərini gələcək 10 ildə cəmi 1,5 trilyon azalacağını proqnozlaşdırmışdı.

İCBARİ TİBBİ SIĞORTA LƏĞV EDİLƏCƏK
 
 
Vergi layihəsində həmçinin, keçmiş Prezident Barak Obama tərəfindən icbari hala gətirilən tibbi sığortanın 2019-cu ildən etibarən yenidən istəyə bağlı olması yer alır.

 
Sözügedən təklifi dəyərləndirən CBO, icbari tibbi sığortasının ləğvi halında səhiyyə sığortası xərclərinin mövcud sistemə nisbətən 10 faiz artacağı və ölkədə sığortasız adam sayını 2027-ci ilədək 13 milyon artıracağı proqnozunu vermişdi.