2011-ci ildə Bitcoin-ə qarşı transferi daha sürətli və ucuz alternativi olaraq Litecoin (LTC) adlı şifrəli pulu yaradan Çarli Li (Charlie Lee), bu gün Reddit üzərindən heyrətamiz bir açılama edib.

 
"Marja" xəbər verir ki, 18 milyard dollarlıq bazar qiyməti ilə dünyanın ən böyük beşinci şifrəli pulu olan Litecoin-in banisi, əlindəki bütün Litecoin-ləri satdığını bildirib. 

Çarli Linin açıqlamasına görə, o, artıq sosial şəbəkədəki izləyiciləri tərəfindən günahlandırılmaq istəmir. Bu səbəbdən bütün Litecoin-ləri ötən günlərdə satdığını qeyd edib. 

 
Linin etdiyi açıqlama:

"Ötən son bir il ərzində paylaşdığım "tweet"lərdə qiymətlərlə bağlı məsələlərdən mümkün olduqca uzaq qalmağa çalışdım. Ancaq Litecoin belə nəhəng bir sürətlə böyüyərkən bunu aparmaq da getdikcə çətinləşdi. Litecoin haqqında yaxşı və ya pis xəbərlərlə bağlı "tweet" atanda şəxsi mənafe məqsədli paylaşımlar etdiyim ittihamlarına məruz qaldım. Hətta bəziləri LTC-də qısa mövqe (satış istiqamətində) aldığımı da iddia edib. Çox  təsirim olduğu üçün, LTC puluna sahib olmağım maraq toqquşmalarına səbəb olmağa başlayıb.Heç vaxt yazdığım hər bir tweet-dən əvvəl və ya sonra LTC alqı-satqsı etməmişəm. Əlbəttə, bunu yalnız mən bilirəm. Ancaq bu məsələdə hər zaman şübhələr olacaq. Bu səbəbdən ötən günlərdə sahib olduğum bütün LTC pullarını satdım və hamısını xeyriyyə təşkilatlarına bağışladım. 6 il fasilədən sonra ilk dəfə tək bir LTC-yə də malik deyiləm. Bu çox qəribə bir hissdir. Amma narahat olmayın, Litecoini tərk etmirəm. Litecoin ilə bağlı işlərimə davam edəcəyəm. Onsuz da Litecoin müvəffəqiyyətə çatsa, bir çox fərqli şəkildə əvəzini alacağam. Bunun üçün hökmən Litecoin sahibi olmağıma ehtiyac yoxdur".

 
Litecoin dünən Bitfinex birjasında 370 dollar ilə ən yüksək səviyyəsinə çıxmışdı.

Açıqlamadan sonra Litecoin 4,5% ucuzalaşaraq 335,7 dollara düşüb.

 Bu şifrəli pul bu il bu ana qədər sərmayədarına 7600 faiz qazandırıb.