Türkiyə Prezidenti Rəcəb Tayyib Ərdoğan və Rusiya Prezidenti Vladimir Putin mətbuata birgə bəyanatla çıxış ediblər.Qeyd edək ki, Vladimir Putin Türkiyədə səfərdədir.

"Marja" xəbər verir ki, Ərdoğan, "Türkiyə -Rusiya əməkdaşlığı hər keçən gün daha da güclənir. Səfərlər və telefon danışıqlarımız ilə birgə dünyagörüşü formalaşdırırıq. Siyasi səviyyədəki bu ahəng, əlaqələrimizə də eyni şəkildə əks olunur. İkitərəfli ticarət dövriyyəmiz 30 faiz artım göstərib" deyib.

 
Ərdoğan, "Bu gün əziz dostum Putin ilə regional məsələləri də müzakirə etdim. ABŞ-ın Qüdsü İsrailin paytaxtı olaraq tanıması bütün dünyada böyük narazılıq yaratdı. Həftəsonu keçirilmiş etirazlarda İsrail əsgərləri 4 fələstinlini şəhid etdi. İsrail yanğına körüklə getməyə davam edir. Dəyər sahibi heç kimsənin bu cinayətləri görməməsi mümkün deyil" şəklində danışıb.

 
Prezident Ərdoğan, "Qüds məsələsində Putin ilə oxşar yanaşmalar içərisində olduğumuzu gördüm. Suriyadakı vəziyyəti də müzakirə etdik. Soçidə müzakirə etdiyimiz məsələləri dəyərləndirmək imkanımız oldu. Bundan sonrakı addımımız - Soçidə ikinci görüşümüzü keçirəcəyik. Türkiyə və Rusiya arasındakı bu yaxınlıq regional sabitlik üçün də əhəmiyyətlidir, mənalıdır. Həmçinin S-400 məsələsinə dair, dostlarımızla lazımi işi görmək üçün bu həftə bir araya gəlib bu işi sona çatdıracağıq" açıqlamasını verib.

 
Rusiya Prezidenti Vladimir Putin isə, "Görüşlərimiz konstruktiv hava şəraitində baş tutdu. Beynəlxalq və regional gündəmin aktual məsələlərini müzakirə etdik. Moskva ilə Ankara arasındakı əməkdaşlıq həqiqətən uğurlu bir şəkildə baş verir. Ticarət və iqtisadi sahədəki əngəllər qalxıb" deyib.

 
Putin, "Türkiyənin kənd təsərrüfatı məhsullarının Rusiyaya ixracı artır. Sonrakı addımların liberallaşması məsələsini necə həyata keçirəcəyimizi müzakirə etdik. Rusiyadan Türkiyəyə turist axını artır. Akkuyu-nun yaradılması ilə bağlı işlərə başlanılıb. Qara dənizin dibindən 2 ayrı xətt çəkiləcəkdir" şəklində danışıb.