Avropada "zombi şirkətlərə" dair narahatlıqlar artır

Avropada "zombi şirkətlərə" dair narahatlıqlar artır

Avropada "zombi şirkətlərə" dair narahatlıqlar artır

Bəzi şirkətlərin uzun zaman əvvəl bağlanmış olması lazım olmasına baxmayaraq, hələ də ayaqda durmaları, bu şirkətlərə "təzə qan vurulması" ilə əlaqədardır.

"Marja" xəbər verir ki, Avropalı rəsmilər "zombi" şirkətlərdən narahatdırlar.

VTB-də minimal faiz dərəcəsi ilə nağd kredit 10.49%-dən

Rəsmilərin narahatçılıqları, sözügedən "zombi" şirkətlərin, daha məhsuldar şirkətlərə veriləcək olan sərmayəni "istehlak" etmələridir. Yəni, kreditlər ölü şirkətlərə verilməkdənsə, potensialı olan şirkətlərə ayrılmalıdır.

İqtisadi Əməkdaşlıq və İnkişaf Təşkilatı (OECD) tərəfindən həyata keçirilən yeni bir araşdırma, bankların, "zombi" şirkətlərin genişlənməsini necə dəstəklədiyini göstərir. OECD-nin araşdırması zəif şirkətlərin zəif banklarla iş meylində olduğuna işarə edir.

Qurumun araşdırmasına görə, banklar şirkətlərin borcunu nəzarətə götürmək və balans xaricinə çıxararaq silmək əvəzinə, yenidən maliyyələşdirir və iflas etmiş kreditləri restruturizasiya etməyə üstünlük verirlər.

Araşdırma, Avropa Mərkəzi Bankının (AMB) Avro Bölgəsindəki probelmli kreditləri azaltmaq səylərini artırmasının vacibliyinə diqqəti çəkir.

"ZOMBİ" ŞİRKƏT NƏDİR?

Böyük ümidlərlə yaradılan, çox uğurlu olub qısa müddətdə böyük pullar qazandıracağı gözlənilən bəzi şirkətlər, qısa müddətdə faktiki olaraq ölü şirkətlərə çevrilir. Bunlar iflas da etmir, bağlanmır da, ölü halları ilə kağız üzərində "yaşayırlar". Belə şirkətlərin vəziyyətini anlatmaq üçün yeni bir anlayış tapılıb. Bu cür şirkətlərə "zombi" şirkətlər deyilir.

"Zombi" şirkətlər, daha çox internet və rəqəmsal sahədə olurlar. Hazırda Silikon Vadisinin bu cür şirkətlərlə dolu olduğu və vadinin bu "zombi"lər səbəbindən haradasa bir yaşayan ölülər vadisinə çevrildiyi də deyilir.

22.11.2017 11:44