“Azərsun” şəkər və qənd bazarında payını itirir

“Azərsun” şəkər və qənd bazarında payını itirir

“Azərsun” şəkər və qənd bazarında payını itirir

Azərbaycanda qənd və şəkər tozu istehsalı kəskin azalıb.

“Marja” rəsmi statistikaya istinadən xəbər verir ki, 2017-ci ilin yanvar-oktyabr aylarında 190,8 min ton qənd və şəkər tozu istehsal edilmişdir. Bu, 2016-cı ilin 10 ayı ilə müqayisədə 46,5% azdır. 2016-cı ilin yanvar-oktyabr aylarında Azərbaycanda 356,6 min ton qənd və şəkər tozu istehsal edilmişdi.

İstehsal azaldığından idxal artır. Dövlət Gömrük Komitəsinin məlumatına görə, 2017-ci ilin 10 ayı ərzində Azərbaycana 151 milyon dollar dəyərində 328 min ton şəkər idxal edilib. Bu, 2016-cı ilin eyni dövrü ilə müqayisədə 51% çoxdur. 2017-ci ilin 10 ayı ərzində Azərbaycandan 36,5 milyon dollar dəyərində 56 min ton şəkər ixrac edilib.

Azərbaycanda şəkər tozu istehsalçısı “Azərsun Holdinq”dir. Holdinqin 2006-cı ildə istifadəyə verdiyi İmişli Şəkər Zavodunun illik gücü 300-350 min ton civarındadır. Rəsmi statistika və zavodun istehsal gücününü müqayisəsini apararaq qeyd etmək olar ki, İmişli Şəkər Zavodu yarı gücü ilə işləyir.

İmişli Şəkər Zavodu, xammalının bir qismini şəkər çuğunduru yetişdirən yerli torpaq mülkiyyətçilərindən, digər hissəsini isə idxal olunan xam şəkər hesabına təmin edir.

Qeyd edək ki, Azərbaycanın Ukraynadan şəkər tozu idxalı artıb. Bu idxal ilə digər iri ticarət şirkətləri məşğul olurlar.

Məhsul növləri	2017-ci ilin yanvar-oktyabr aylarında istehsal edilmişdir	Əvvəlki ilin müvafiq dövrünə nisbətən, faizlə	01.11.2017-ci il vəziyyətinə hazır məhsul ehtiyatı
Üzlü süd, min ton	761,6	103,8	-
Qaymaq və xama, ton	3 947,8	100,1	-
Pendir və kəsmik, ton	43 188,9	104,5	84,3
Kərə yağı, ton	20 991,2	99,1	4,1
Cem və marmeladlar, ton	29 346,6	102,0	74,0
Duru bitki yağları, ton	45 980,0	104,0	513,4
Marqarin, ton	41 851,3	113,0	717,8
İnsanın qidalanması üçün yararlı olan duz, min ton	53,0	107,3	0,2
Qənd və şəkər tozu, min ton	190,8	53,5	46,6
Çörək və çörək-bulka məmulatları (əmtəəlik), min ton	642,0	101,1	-
İçki məhsulları
Şampan şərabı, min dkl	0,4	36,4	3,9
Araq, min dkl	432,2	91,0	97,5
Brendi (konyak), min dkl	4,1	70,7	29,2
Üzüm şərabı, min dkl	833,4	119,1	1 054,3
Pivə, min dkl	3 797,3	129,5	217,5
Likörlər, min dkl	72,8	63,1	75,1
Alkoqolsuz içkilər, min dkl	16 854,1	103,6	443,8
Tütün məmulatları
Fermentləşdirilmiş tütün, ton	2 453,6	172,3	-
Papiros və siqaretlər, milyon ədəd	748,0	52,7	1,0