Dollar ilə bağlı kritik məlumat açıqlandı

Dollar ilə bağlı kritik məlumat açıqlandı

Dollar ilə bağlı kritik məlumat açıqlandı

ABŞ-da inflyasiya Oktyabrda gözləntilərə paralel artıb. Baza inflyasiya apreldən bəri ən yüksək səviyyədə baş tutub.

Maraqla gözlənilən ABŞ-da inflyasiya və pərakəndə satış rəqəmləri açıqlandı.

"Marja" xəbər verir ki, ABŞ-da Oktyabrda inflyasiya illik 2% artıb. Proqnoz 2%, əvvəlki rəqəm isə 2,2% idi.

Aylıq müqayisədə isə Oktyabrda inflyasiya 0,1% artıb. Proqnoz 0,1% idi. Sentyabrda inflyasiya aylıq 0.5 faiz artmışdı.

Baza inflyasiya aylıq 0.2% artıb, illik artım da 1.7%-dən 1.8%-ə yüksəlib. Bu, Apreldən bəri görülən ən yüksək səviyyədir.

İflyasiyadakı artımın Fed-in Dekabrda faiz artırmasına dəstək olacağı bildirilir. Fed-in Dekabrda daha bir dəfə faiz artıraraq bu ili cəmi 3 faiz artırımı ilə tamamlaması gözlənilir.

Enerji qiymətlərindəki 1%-lik geriləmənin əsas inflyasiyaya təzyiq etdiyi ifadə edilir.

Dünən açıqlanan rəqəm də ABŞ-da istehsalçı qiymətlərinin gözləntilərin üzərində gəldiyini göstərmişdi. İllik istehsalçı qiymətləri indeksi 5 ilin ən böyük artımını qeyd etmişdi.

ABŞ-da pərakəndə satışlar aylıq 0.2% artıb. Proqnoz 0,0% idi. Əvvəlki ay pərakəndə satışlar 1.6% artmışdı.

ABŞ-da pərakəndə satışlar Oktyabr ayında aylıq müqayisədə 0.2 faiz ilə proqnozdan sürətli artıb. İqtisadçılar bu göstəricinin dəyişiklik göstərməməsini gözləyirdilər.

Avtomobil xaric pərakəndə satışlar sözügedən dövrdə 0.2 faiz artım göstərməsi gözlənərkən 0.1% artıb.

Sentyabr ayında pərakəndə satışlar 1.6 faiz artımdan 1.9 faiz artıma dəyişdirilib.

Sentyabr ayında 485.419 milyard dollar olan pərakəndə satışlar, Oktyabr ayında 486.553 milyard dollara çıxıb.

Məlumatların açıqlanmasından sonra avro/dollar məzənnəsi çox dəyişməyib və 1.1845-ə bərabər olub (Bakı vaxtı ilə 18:50-yə olan məlumat)

15.11.2017 14:30