Trump-ın bazara müdaxiləsi pis nəticələnəcək - Xəbərdarlıq

Trump-ın bazara müdaxiləsi pis nəticələnəcək - Xəbərdarlıq

Trump-ın bazara müdaxiləsi pis nəticələnəcək - Xəbərdarlıq

Donald Trumpdan avtomobil şirkətlərinə ABŞ şərti

"Marja" xəbər verir ki, Yanvarın 20-də ABŞ-ın prezident kürsüsünü təhvil alacaq Donald Trump, ABŞ-da fəaliyyət göstərən avtomobil şirkətlərinə "ölkədə istehsal" mesajı verib.

Trump, Twitter hesabından verdiyi açıqlamada, son dövrdəki sözlərilə ABŞ-dan çıxan məşğulluğu geri gətirməyə başladığını vurğulayaraq, "Avtomobil şirkətləri və digərləri, əgər ölkəmizdə iş görmək istəyirlərsə, istehsalı yenidən burada həyata keçirmək məcburiyyətindədirlər" - ifadəsini istifadə edib.

Donald Trump, seçki kampaniyası zamanı istehsallarını ABŞ xaricinə daşıyan şirkətlərə geri dönmək çağırışı etmiş, əks halda ağır vergilər ödəyəcəklərilə təhdid etmişdi.

Trumpın sözlərindən sonra Ford 3 Yanvarda verdiyi açıqlamada, Meksikada 1,6 milyard dollara başa gələcək zavod investisiyasını ləğv edilərək sözügedən plan yerinə, ABŞ-ın Miçigan ştatında 700 milyon dollar məbləğində sərmayə qoyacağını və bunun 700 nəfərlik yeni məşğulluq təmin edəcəyi bildirilmişdi.

Mütəxəssislər, Trumpın sərbəst bazara etməyi planlaşdırdığı müdaxilələrin uzun perspektivdə Amerika iqtisadiyyatına və bazarlara mənfi təsir göstərəcəyi barədə xəbərdarlıq edirlər.

Amerikalı şirkətlər, 1970-ci illərdən etibarən ABŞ-ın avtomobil mərkəzi kimi tanınan Miçigan ştatındakı istehsallarını, ucuz işçi güvvəsi imkanı təqdim etdiyi üçün Meksika, Cənubi Amerika və Asiyaya köçürməyə başlamış və nəticədə Miçigan ştatının ən böyük şəhəri olan Detroyt 2013-cü ild
iflasını açıqlamışdı.

16.01.2017 05:52