14 milyon yığıb, 14 milyon ödəyib

14 milyon yığıb, 14 milyon ödəyib

“Qala Həyat” Sığorta Şirkəti ASC-nin topladığı sığorta haqları kəskin azalıb.

“Marja” xəbər verir ki, 2016-cı ilin 9 ayı ərzində 26 milyon 373 min manat sığorta haqları toplamış şirkət, bu ilin 9 ayında cəmi 14 milyon 145 min manat yığmağı bacarıb.

Müqayisə olunan dövrdə, Şirkətin sığorta ödənişləri 19 milyon manatdan 14 milyon 420 min manata düşüb.

TƏXMİNƏN YIĞMALRI QƏDƏR ÖDƏNİŞ EDİB

“Qala Həyat” Sığorta Şirkəti bu ilin 9 ayında topladığı 14 milyon 145 min manat sığorta haqlarına qarşı 14 milyon 420 min manat sığorta ödənişləri həyata keçirib.

Qeyd edək ki, “Qala Həyat” Sığorta Şirkəti Azərbaycanda ən kiçik sığorta şirkətidir. Bu ilin 9 ayında onun rəqibləri "PAŞA Həyat" 112 milyon 191 min manat, "Atəşgah Həyat" isə 25 milyon 870 min manat sığorta haqları toplayıb.

9 ayda "Atəşgah Həyat"da ödəniş yığımdan çox - 38 milyon 563 min manat təşkil edib. "PAŞA Həyat" isə 38 milyon 287 min manat ödəniş həyata keçirib.

Qeyd edək ki, sığorta ödənişlərinin yığımlardan yüksək olması şirkətin ziyan etməsi demək deyil. Ödənişlər şirkətin formalaşdırdığı fonddan həyata keçirilir. Həmçinin həyat sığortası şirkətlərində bu məsələ bir az fərqlidir. Belə ki, yaxşı maaş alanlar pullarının bir hissəsini "həyatın yığım sığortası"məhsulu vasitəsilə "əmanətə oxşar şəkildə" 3 illik həyat sığortasına yönəldirlər. 3 ilin sonunda isə sığorta şirkəti pul sahibinə həm vəsaitini qaytarır, həm də üzərində müyyən qədər faiz ödəyir. Hazırda həyat sığortası şirkətində ödənişlərin yüksək olmasının səbəbi şirkətlərin 3 ili başa çatmış müqavilələr üzrə geri ödəniş etmələridir.

27.10.2017 06:14