“Kapital Bank” gəlir və mənfəətini açıqladı

“Kapital Bank” gəlir və mənfəətini açıqladı

“Kapital Bank” gəlir və mənfəətini açıqladı

“Kapital Bank” ASC 2017-ci ilin 9 ayını 57 milyon 636.13 min manat xalis mənfəətlə başa burub.

VTB-də minimal faiz dərəcəsi ilə nağd kredit 9.9%-dən

“Marja” Banka istinadən xəbər verir ki, cari ilin yanvar-sentyabr dövründə Bankın cəmi gəlirləri 291 milyon 45 min manat, xərcləri isə 169 milyon 927 min manat təşkil edib.

Bundan başqa "Kapital Bank" aktivlər üzrə mümkün zərərlərin ödənilməsi üçün xüsusi ehtiyatın yaradılmasına 47 milyon 647 min manat ayırıb. Nəticədə Bankın əməliyat mənfəəti 73 milyon 470 min manat təşkil edib.

Əməliyyat mənfəətindən 15 milyon 834 min manat mənfəət vergisi ödənilib. Nəticədə də Bankın 57 milyon 636 min manat xalis mənfəəti qalıb.

"Kapital Bank" 2016-cı ilin 9 ayını 41 milyon 511 min manat xalis mənfəətlə başa vurmuşdu.

AKTİVLƏRİ 3 MİLYARD MANATI KEÇİB

Sentyabrın 30-na “Kapital Bank” ASC-nin cəmi aktivləri 3 milyard 25 milyon 135.73 manat təşkil edib.Bu, ötən ilin sonu ilə müqayisədə 101,6 milyon manat və ya 3,3% çoxdur.

“Kapital Bank”ın aktivlərinin 40,3%-ni və yaxud 1 milyard 220 milyon 72 min manatını müştərilərə verilmiş kreditlər təşkil edib. 9 ayda Bankın kredit portfeli təxminən 1,4% artıb.

Sentyabrın sonuna "Kapital Bank"ın cəmi öhdəlikləri isə 2 milyard 737 milyon 465 min manat olub və bu, illik müqayisədə 7,9% çoxdur. Bankın öhdəliklərinin 81,7%-ni və yaxud 2 milyard 237 milyon 528 min manatını onun depozit portfeli təşkil edib. Son 1 ildə maliyyə qurumunun depozit portfeli 33,5% böyüyüb.

Hesabat tarixinə “Kapital Bank”ın cəmi kapitalı isə 287 milyon 671 min manat təşkil edib ki, bu da illik müqayisədə 6,8% çoxdur.

"Kapital Bank" ASC-nin məcmu kapitalı 249 milyon 586.05 min manatdır.