Vyetnam şirkəti Azərbaycanda 200 MVt-lıq külək enerjisi layihəsi planlaşdırır

Vyetnam şirkəti Azərbaycanda 200 MVt-lıq külək enerjisi layihəsi planlaşdırır

“ROX Energy Global” ilə külək və günəş enerjisi layihələri müzakirə edilib. 200 MVt-lıq külək layihəsi üçün ərazilər müəyyənləşdiriləcək.

Vyetnam şirkəti Azərbaycanda 200 MVt-lıq külək enerjisi layihəsi planlaşdırır

Energetika naziri Pərviz Şahbazov Vyetnamın “ROX Energy Global” şirkətinin baş icraçı direktoru Pham Minh Tuan ilə görüşüb.

Görüşdə şirkətlə Azərbaycanda 200 MVt gücündə külək enerjisi layihəsinin həyata keçirilməsi ilə bağlı məsələlər müzakirə edilib. Layihə üçün ərazilərin müəyyənləşdirilməsi, texniki-iqtisadi əsaslandırmanın hazırlanması və külək ölçmələrinin aparılması kimi tədbirlər nəzərdən keçirilib.

Həmçinin Naxçıvanda günəş enerjisi layihəsinin həyata keçirilməsi imkanları ətrafında fikir mübadiləsi aparılıb. Bildirilib ki, Naxçıvanda bərpa olunan enerji layihələrinin inkişafı regionun “Yaşıl Enerji Zonası” konsepsiyasına və yaşıl enerji ixracı planlarına uyğun olaraq həyata keçirilir. Potensial günəş enerjisi layihəsi üçün ərazi imkanları, enerji sisteminə inteqrasiya və istehsal ediləcək elektrik enerjisinin reallaşdırılması məsələlərinə toxunulub. Bu xüsusda Naxçıvanın Azərbaycanın əsas enerji sistemi ilə əlaqələndirilməsi, həmçinin Naxçıvan-Türkiyə elektrik bağlantısının yaradılması istiqamətində görülən işlər barədə məlumat verilib. Naxçıvandan Türkiyə istiqamətində enerji ixracına imkan verəcək infrastrukturun inkişafının strateji əhəmiyyəti qeyd olunub.

Qeyd edək ki, 2025-ci ildə Azərbaycan Respublikası Energetika Nazirliyi yanında Bərpa Olunan Enerji Mənbələri Dövlət Agentliyi ilə “ROX Group” SC arasında bərpa olunan enerji sahəsində əməkdaşlığa dair Anlaşma Memorandumu imzalanıb.

İş elanları AzVak.az-da

ROX Energy Global Pərviz Şahbazov Azərbaycan külək enerjisi 200 MVt külək layihəsi Naxçıvan günəş enerjisi yaşıl enerji bərpa olunan enerji Azərbaycan enerji sektoru Vyetnam investisiyası Naxçıvan Türkiyə elektrik bağlantısı yaşıl enerji ixracı külək elektrik stansiyası günəş elektrik stansiyası Energetika Nazirliyi Bərpa Olunan Enerji Mənbələri Dövlət Agentliyi

09.09.2026 13:11