Sosial mediadan pul qazananlarla bağlı mühüm yenilik - Bloger və influenserlərin gəlirləri ayrıca uçota alınacaq

Sosial mediadan pul qazananlarla bağlı mühüm yenilik - Bloger və influenserlərin gəlirləri ayrıca uçota alınacaq

“Rəqəmsal platforma təsirçisi” adlı uçot təsnifatı yaradılıb

Sosial mediadan pul qazananlarla bağlı mühüm yenilik - Bloger və influenserlərin gəlirləri ayrıca uçota alınacaq

İqtisadiyyat Nazirliyi yanında Dövlət Vergi Xidməti (DVX) tərəfindən rəqəmsal iqtisadiyyatın inkişafı və sosial media platformaları üzərindən gəlir əldə edən şəxslərin (blogerlərin və infulenserlərin) fəaliyyətinin hüquqi çərçivədə tanınması, eləcə də uçotun şəffaflaşdırılması istiqamətində rəqəmsal vergi inzibatçılığının təkmilləşdirilməsi davam etdirilir.

Marja.az Xidmətə istinadən xəbər verir ki, on illərdə sosial şəbəkələr və digər rəqəmsal platformalar üzərindən reklam, marketinq, məhsul və xidmətlərin təşviqi, məzmun istehsalı, canlı yayımlar, eləcə də müxtəlif əməkdaşlıq layihələri vasitəsilə gəlir əldə edən şəxslərin sayı əhəmiyyətli dərəcədə artıb. Bununla yanaşı, iqtisadi fəaliyyət növlərinin mövcud təsnifatında bu sahənin ayrıca əks olunmaması həmin şəxslərin fəaliyyətinin uçota alınmasını və statistik qiymətləndirilməsini çətinləşdirirdi.

VTB-də minimal faiz dərəcəsi ilə nağd kredit 9.9%-dən

Bu ehtiyacı nəzərə alaraq, uçot məlumat bazasında fəaliyyət növləri üzrə təsnifata “Rəqəmsal platforma təsirçisi” (kod 6312003) adlı yeni fəaliyyət növü əlavə edilib. Dəyişiklik sosial media və digər rəqəmsal platformalar vasitəsilə gəlir əldə edən şəxslərin (blogerlərin və infulenserlərin) fəaliyyətinin daha dəqiq və şəffaf rəsmiləşdirilməsinə, onların iqtisadi fəaliyyətinin ayrıca uçota alınmasına və statistik məlumatların daha dolğun formalaşdırılmasına imkan yaradır.

Dövlət Vergi Xidməti bu sahədə fəaliyyət göstərən vergi ödəyicilərinə fəaliyyətlərini qanunvericiliyin tələblərinə uyğun şəkildə rəsmiləşdirməyi və qeydiyyat zamanı yeni fəaliyyət kodunu seçməyi tövsiyə edir.

İş elanları AzVak.az-da

blogerlərin vergiyə cəlb edilməsi influenserlərin vergi qeydiyyatı rəqəmsal platforma təsirçisi fəaliyyət kodu 6312003 bloger fəaliyyət kodu influenser fəaliyyət kodu sosial media gəlirləri Instagram gəlirlərinin vergisi TikTok gəlirlərinin vergisi Dövlət Vergi Xidməti Günel Bəhramqızı rəqəmsal vergi inzibatçılığı Azərbaycanda blogerlər sosial şəbəkədən gəlir vergi uçotu

02.09.2026 10:39