Qızıl üçün həlledici sentyabr: Fed faizləri yenidən artıra, qızıl ucuzlaşa bilər

Qızıl üçün həlledici sentyabr: Fed faizləri yenidən artıra, qızıl ucuzlaşa bilər

Sentyabrda FED-in faiz artıracağı ehtimalı 50%-i keçib

Qızıl üçün həlledici sentyabr: Fed faizləri yenidən artıra, qızıl ucuzlaşa bilər

ABŞ Mərkəzi Bankının (FED )sədri Kevin Warsh-ın Vayominqdə keçirilən simpoziumda 2%-lik inflyasiya hədəfinin dəyişməz sabit hədəf olduğunu bir daha vurğulaması maliyyə bazarlarında “şahin” təsir yaradıb. Qlobal birjalarda qızılın qiymətinin unsiyası 4438 dollara düşüb.

Marja xəbər verir ki, açıqlamalardan sonra treyderlər ABŞ Mərkəzi Bankının sentyabr ayında keçiriləcək növbəti iclasında faiz dərəcəsini artırması ehtimalını 50%-dən yuxarı qiymətləndirməyə başlayıblar.

"GAMA Asset Management" şirkətinin qlobal makro portfel meneceri Rajeev De Mello bildirib ki, gözləntilərdən daha “şahin” mövqenin (faizin artırılacağı ehtimalını gücləndirən mövqenin) nümayiş etdirilməsi qızıl qiymətləri üzərində qısamüddətli təzyiq yaratmağa davam edə bilər.

Onun fikrincə, yaxın müddətdə qızılın bir unsiyasının qiyməti 4200–4300 dollar intervalında sabitləşə bilər.

ABŞ Maliyyə Nazirliyinin ayın ortalarında açıqladığı gözlənilməz istiqraz geri alışı addımı isə dövlət borcu və pulun dəyərsizləşməsi ilə bağlı narahatlıqları artıraraq qızılın qiymətinə dəstək vermişdi.

FED-in inflyasiyanı 2%-lik hədəfə qaytarmaqda sərt mövqeyi faizlərin daha uzun müddət yüksək qala biləcəyi və hətta yenidən artırıla biləcəyi riskini gücləndirir. Yüksək faizlər isə gəlir gətirməyən aktiv olan qızıl üçün adətən mənfi amil hesab olunur.

Digər tərəfdən, ABŞ Maliyyə Nazirliyinin istiqraz bazarına müdaxilə xarakterli addımları, yüksək dövlət borcu və dolların alıcılıq qabiliyyətinin zəifləməsi ilə bağlı narahatlıqlar investorların təhlükəsiz aktivlərə marağını qoruyur.

Buna görə də yaxın dövrdə qızılın istiqamətini əsasən FED-in sentyabr qərarı, ABŞ inflyasiya göstəriciləri və istiqraz gəlirliliklərinin dinamikası müəyyən edə bilər.

İş elanları AzVak.az-da

qızıl qiyməti qızılın unsiyası qızıl qiymətləri 2026 Fed faiz qərarı Fed sentyabr iclası Kevin Warsh ABŞ faiz dərəcələri Fed faiz artımı inflyasiya hədəfi 2 faiz inflyasiya qızıl proqnozu qızıl 4200 dollar qızıl 4300 dollar ABŞ Maliyyə Nazirliyi istiqraz geri alışı ABŞ istiqrazları qızıl bazarı qızıl investorları faiz və qızıl dollar və qızıl təhlükəsiz aktivlər qızıl avqust 2026 Fed şahin siyasəti qızıl rallisi

31.08.2026 13:23