Hörmüz boğazı ilə bağlı ümidverici xəbər gəldi — Brent nefti 87 dollardan aşağı düşdü

Hörmüz boğazı ilə bağlı ümidverici xəbər gəldi — Brent nefti 87 dollardan aşağı düşdü

Neft Hörmüz boğazı ilə bağlı nikbinlik fonunda 2% ucuzlaşıb

Hörmüz boğazı ilə bağlı ümidverici xəbər gəldi — Brent nefti 87 dollardan aşağı düşdü

Neft qiymətləri İran və Oman arasında Hörmüz boğazının idarə olunması ilə bağlı danışıqların yenidən başlamasından sonra boğazın yenidən açıla biləcəyi gözləntiləri fonunda çərşənbə günü təxminən 2%-dən çox azalıb.

Marja xəbər verir ki, Bakı vaxtı ilə saat 09:10-aolan məlumata görə, Brent markalı neftin fyuçersləri 2,3% ucuzlaşaraq bir barel üçün 86,53 dollara, ABŞ-ın WTI markalı xam nefti isə 1,8% geriləyərək 80,87 dollara düşüb. Hər iki göstərici çərşənbə axşamı 3%-dən çox dəyər itirmişdi.

İran və Oman qlobal neft və mayeləşdirilmiş təbii qaz daşımalarının təxminən beşdə birinin keçdiyi Hörmüz boğazında nəqliyyatın idarə olunması ilə bağlı danışıqlar aparırlar.

İki ölkə çərşənbə axşamı boğazdan keçid üçün “müvəqqəti birgə dəhliz”in yaradılmasını müzakirə etdiklərini və bölgənin minalardan təmizlənməsi məsələsində razılığa gəldiklərini açıqlayıblar.

“Fujitomi Securities”in analitiki Mitsuru Muraishi bildirib ki, İran-Oman danışıqlarında irəliləyişə dair ümidlər neft bazarında satışları gücləndirib. Bununla belə, qeyri-müəyyənliyin davam etməsi qiymətlərin aşağı səviyyələrində alışları dəstəkləyir.

Analitikin fikrincə, neft qiymətləri bir müddət müəyyən qiymət diapazonunda hərəkət edə bilər.

Digər tərəfdən, Hörmüz boğazının girişində bir neft tankerinin naməlum obyektlə vurularaq sıradan çıxarılması regiondakı risklərin tam aradan qalxmadığını göstərib.

ABŞ-da isə Amerika Neft İnstitutunun (API) məlumatlarına əsasən, avqustun 21-də başa çatan həftədə xam neft ehtiyatları 4,2 milyon barel artıb. Bazarın gözləntisi ehtiyatların təxminən 600 min barel yüksəlməsi istiqamətində idi.

ABŞ Enerji İnformasiya Administrasiyasının (EIA) rəsmi neft ehtiyatları ilə bağlı məlumatları bu gün açıqlanacaq.

İş elanları AzVak.az-da

neft neft qiymətləri Brent Brent nefti WTI xam neft Hörmüz boğazı İran Oman İran Oman danışıqları Hörmüz boğazının açılması neft bazarı neft fyuçersləri neft tankeri Hörmüzdə minalar neft daşımaları LNG mayeləşdirilmiş təbii qaz API ABŞ neft ehtiyatları EIA qlobal neft bazarı enerji bazarı

26.08.2026 09:11