Qızılın qiyməti 4700 dollara yaxınlaşdı - 5000 dollar ssenarisi güclənir

Qızılın qiyməti 4700 dollara yaxınlaşdı - 5000 dollar ssenarisi güclənir

Citi qızılın qiyməti üzrə proqnozunu yüksəldib – 5 000 dollar hədəfi qüvvədə qalır.

Qızılın qiyməti 4700 dollara yaxınlaşdı - 5000 dollar ssenarisi güclənir

Dünyanın aparıcı qlobal banklarından biri olan "Citi" qızılın qiyməti ilə bağlı üç aylıq proqnozunu yuxarı qaldırıb.

Marja xəbər verir ki, bankın analitikləri qeyd ediblər ki, son bahalaşma prosesinin “davam etməsi üçün potensial” var. Bununla belə, bahalaşmanın davamlı olması üçün fiziki qızıla tələbin də qiymət artımına uyğun şəkildə güclənməsinin vacib olduğu vurğulanıb.

"Citi" Hörmüz boğazı ilə bağlı problemin sonda həll olunacağı, real faiz dərəcələrinin aşağı düşəcəyi və ABŞ Federal Ehtiyat Sisteminin (FED) daha az sərt mövqe nümayiş etdirəcəyi ilə bağlı gözləntilərini əsas gətirərək qızıl üzrə 6-12 aylıq qiymət hədəfini dəyişməyib.

Bankın orta və uzunmüddətli proqnozuna əsasən, qızılın qiyməti bir unsiya üçün 5000 dollar səviyyəsində saxlanılır.

"Bloomberg Intelligence" isə qızılın qiymətinin 2027-ci ilin əvvəllərində və ya ortalarında bir unsiya üçün 5 000 dollar səviyyəsini test edəcəyini proqnozlaşdırır.

ABŞ-ın maliyyə siyasəti və dolların ucuzlaşacağı ilə bağlı narahatlıqları yenidən artıran gözlənilməz istiqraz bazarı müdaxiləsinin təsiri ilə qızıl yenidən bahalaşır.

Səhər saatlarında qızılın unsiyasının qiyməti 1%-dək bahalaşaraq 4700 dollara yaxınaşıb (4696,83 dolları test edib). Bu, may ayının ortalarından bəri ən yüksək səviyyədir. Daha sonra qızılın qiyməti az da olsa geriləyib.

ABŞ Xəzinədarlığının uzunmüddətli dövlət istiqrazlarının geri alışını artırmasından sonra qızıl ötən həftə 7%-dən çox bahalaşıb.

Gümüş də çərşənbə axşamı bahalaşaraq bir unsiya üçün 70 dollar səviyyəsinə yaxınlaşıb.

Citi qızıl qızıl qiyməti qızıl proqnozu qızıl 5000 dollar unsiya qızıl qızıl rallisi Citi qızıl proqnozu Bloomberg Intelligence Fed Federal Ehtiyat Sistemi real faizlər ABŞ dolları dolların zəifləməsi Hörmüz boğazı ABŞ Xəzinədarlığı dövlət istiqrazları istiqraz geri alışı gümüş gümüş qiyməti qiymətli metallar qızıl bazarı qızıl investorları 2027 qızıl proqnozu qızılın bahalaşması

25.08.2026 21:11