Qarabağda zavod quran sahibkarlar üçün xüsusi vergi rejimi– güzəştlərin məbləği 17,4 milyon manata çatıb

Qarabağda zavod quran sahibkarlar üçün xüsusi vergi rejimi– güzəştlərin məbləği 17,4 milyon manata çatıb

Qarabağda zavod quran sahibkarlar üçün xüsusi vergi rejimi– güzəştlərin məbləği 17,4 milyon manata çatıb

İşğaldan azad edilmiş ərazilərdə tətbiq olunan vergi və gömrük güzəştləri istehsal fəaliyyətinin təşviqinə və müxtəlif sənaye sahələrinin inkişafına imkan yaradır.

İşğaldan azad edilmiş ərazilərdə investisiya mühitinin yaxşılaşdırılması, istehsal fəaliyyətinin təşviqi və sahibkarlığın inkişafı məqsədilə bu ərazilərin rezidentləri üçün müxtəlif dəstək mexanizmləri tətbiq edilir. Bu çərçivədə Qarabağ və Şərqi Zəngəzur iqtisadi rayonlarında vergi uçotuna alınan və bilavasitə həmin ərazilərdə fəaliyyət göstərən hüquqi və fiziki şəxslər 2033-cü il 1 yanvar tarixinədək müvafiq iqtisadi fəaliyyət sahələri üzrə texnika, texnoloji avadanlıq və qurğuların, habelə xammal və materialların idxalı zamanı əlavə dəyər vergisindən (ƏDV) və gömrük rüsumundan azaddırlar.

İşğaldan azad edilmiş ərazilərdə istehsal fəaliyyəti quran müəssisələr (sənaye parkları da daxil olmaqla) idxal olunan texnika, texnoloji avadanlıqlara, eləcə də xammallara görə indiyədək 17,4 milyon manat dəyərində vergi və gömrük rüsumlarından azadolma əldə ediblər.

Tətbiq olunan bu və digər güzəşt və dəstək mexanizmləri çərçivəsində bölgədə tekstil, tikinti materialları, elektrik avadanlıqları, nəqliyyat vasitələri və s. sənaye məmulatlarının istehsalı fəaliyyəti həyata keçirilir.

Qeyd edək ki, bu güzəştlərdən yararlanmaq üçün sənədlərin qəbulu fiziki və elektron formada İqtisadiyyat Nazirliyi tərəfindən həyata keçirilir. Müvafiq fəaliyyət sahələri üzrə idxalı nəzərdə tutulan texnika, texnoloji avadanlıqlar və qurğular, habelə xammal və materialların siyahısı Azərbaycan Respublikası Nazirlər Kabinetinin 2023-cü il 5 avqust tarixli 269 nömrəli Qərarı ilə təsdiq edilmişdir.

Qarabağ Şərqi Zəngəzur işğaldan azad edilmiş ərazilər vergi güzəştləri gömrük güzəştləri ƏDV güzəşti gömrük rüsumu sahibkarlıq investisiya Qarabağda biznes Qarabağda investisiya Şərqi Zəngəzurda biznes sənaye istehsal sənaye parkları vergi azadolması gömrük rüsumundan azadolma 17 4 milyon manat İqtisadiyyat Nazirliyi texnoloji avadanlıq texnika idxalı xammal idxalı materialların idxalı tekstil sənayesi tikinti materialları elektrik avadanlıqları nəqliyyat vasitələrinin istehsalı dövlət dəstəyi biznes güzəştləri investisiya mühiti 2033-cü il Qarabağ iqtisadi rayonu

25.08.2026 13:11